Repaso sa Teokratikong Paadalan sa Pagmiministro

An minasunod na mga hapot totokaron sa Teokratikong Paadalan sa Pagmiministro durante kan semana poon Pebrero 28, 2011. Pamamayohan kan paraataman sa paadalan an 20 minutos na repaso basado sa mga reperensia na kinobrehan sa mga asignasyon para sa mga semana nin Enero 3 sagkod Pebrero 28, 2011.

1. Anong gibohon an pinonan ni Ezequias sa kapinonan kan saiyang paghade, asin paano niato sia maaarog ngonyan? (2 Cron. 29:16-18) [w09 6/15 p. 9 par. 13]

2. Paano idinodoon kan 2 Cronica 36:21 an pagkaotob kan propesiya na nakasurat sa Jeremias 25:8-11? [w06 11/15 p. 32 par. 1-4]

3. Paano sinusuportaran kan Esdras 3:1-6 an sono sa Kasuratan na prueba na an pagigin gaba kan Jerusalem sa laog nin 70 taon natapos nin tama sa panahon? [w06 1/15 p. 19 par. 2]

4. Taano ta nabigla si Esdras kan maaraman nia an dapit sa pakipag-agoman sa mga nag-eerok sa daga? (Esd. 9:1-3) [w06 1/15 p. 20 par. 1]

5. Siisay an “mga mamuraway,” asin anong saboot ninda an maninigong likayan niato? (Neh. 3:5) [w06 2/1 p. 10 par. 1;; w86-E 2/15 p. 25]

6. Paanong an Gobernador na si Nehemias marahayon na halimbawa para sa Kristianong mga paraataman? (Neh. 5:14-19) [si-E p. 90 par. 16]

7. Arog kan mga Israelita kan panahon ni Nehemias, paano niato malilikayan na mapabayaan ‘an harong kan satong Dios’? (Neh. 10:32-39) [w98 10/15 p. 21-22 par. 12]

8. An paghorophorop sa nagin buhay ni Nehemias puedeng magpahiro sa sato na ihapot sa satong sadiri an anong mga hapot? (Neh. 13:31) [w96 9/15 p. 16 par. 3]

9. Nagkaigwa daw si Ester nin imoral na pakikidorog ki Hadeng Ahasuero? (Est. 2:14-17) [w91-E 1/1 p. 31 par. 6]

10. Taano ta nagsayuma si Mardoqueo na magduko ki Aman? (Est. 3:2, 4) [it-2-E p. 431 par. 7]