An Pang-aroaldaw na Teksto Dai na Pag-oolayan sa mga Pagtiripon Bago Maglingkod sa Langtad

Kan nakaagi, puedeng kaiba sa mga pagtiripon bago maglingkod an halipot na pag-orolay sa pang-aroaldaw na teksto kun iyan konektado sa ministeryo. Binabago ini ngonyan. An Pagsiyasat sa Kasuratan Aroaldaw dai na maninigong gamiton bilang basehan kan pag-orolay sa mga pagtiripon bago maglingkod. Siring kan dati, puedeng gamiton kan mga nangengenot an Biblia, An Satong Ministeryo sa Kahadean, an librong Paadalan sa Pagmiministro, an librong Reasoning, asin an iba pang reperensia na konektado sa ministeryo. An mga naasignaran na mangenot maninigong mag-andam na magtokar nin praktikal na tema na makakatabang sa mairiba sa ministeryo sa aldaw na iyan. Siring kan dati, an lawig kan pagtiripon maninigong dai magsobra sa 10 sagkod 15 minutos asin maninigong mas halipot kun iyan kasunod nin pagtiripon kan kongregasyon.