Repaso sa Teokratikong Paadalan sa Pagmiministro

An minasunod na mga hapot totokaron sa Teokratikong Paadalan sa Pagmiministro durante kan semana poon Hunyo 27, 2011. Pamamayohan kan paraataman sa paadalan an 20 minutos na repaso basado sa mga reperensia na kinobrehan sa mga asignasyon para sa mga semana nin Mayo 2 sagkod Hunyo 27, 2011.

1. Anong leksion an satong manonodan sa paghagad ni Jehova ki Job na ipamibi an mga nagkasala tumang sa saiya? (Job 42:8) [w98 8/15 p. 30 par. 5]

2. Ano an “mga atang nin katanosan” na idinodolot ngonyan kan mga Kristiano? (Sal. 4:5) [w06 5/15 p. 18 par. 9]

3. Paano si David itinanos kan saiyang mga bato? (Sal. 16:7) [w04 12/1 p. 14 par. 9]

4. Sa anong paagi na “an kalangitan nagpapahayag kan kamurawayan nin Dios”? (Sal. 19:1) [w04 10/1 p. 10 par. 8]

5. Segun sa isinusuherir kan Salmo 27:14, ano an koneksion kan paglaom asin kosog nin boot? [w06 10/1 p. 26-27 par. 3, 6]

6. Paano maninigong magkaigwa nin epekto an Salmo 37:21 sa pagtratar niato sa satong mga tugang? [w88-E 8/15 p. 17 par. 8]

7. Anong leksion dapit sa pagpahalaga an manonodan niato sa nangyari sa sarong Levita na nakadistiero? (Sal. 42:1-3) [w06 6/1 p. 9 par. 3]

8. Ano an makakatabang sa sato na makultibar an pagkamoot sa katanosan asin pagkaongis sa karatan? (Sal. 45:7) [cf p. 58-59 par. 8-10]

9. Kiisay na “espiritu nin pagigin gikan sa boot” nagpasuportar si David? (Sal. 51:12) [w06 6/1 p. 9 par. 10]

10. Paano kita puedeng magin arog nin poon nin olibo sa harong nin Dios? (Sal. 52:8) [w00-E 5/15 p. 29 par. 6]