“Pirang Oras an Maninigo Kong Ireport?”

Ihinapot na daw nindo iyan? An pangkagabsan na instruksion dapit dian makukua sa pahina 86-87 kan librong Organisado. Kun minsan, igwa nin dugang na instruksion na itinatao, arog kan yaon sa “Hapot” sa Setyembre 2008 na An Satong Ministeryo sa Kahadean. Huling laen-laen an kamugtakan, dai man kita tinatawan nin halabang lista nin mga susundon. Kun siring, bakong angay na gumibo nin dugang pang mga instruksion an kamagurangan o an iba pa.

Kun may maglataw na hapot asin mayong susundon na makukua sa publikasyon dapit kaiyan, puedeng isip-isipon kan lambang parahayag: Ginamit ko daw an oras na iyan sa ministeryo? O ginamit ko daw iyan sa ibang bagay na bako man talagang kabtang kan ministeryo? An isinusurat niato sa satong personal na report nin paglilingkod sa langtad kada bulan maninigong magin dahelan nin kagayagayahan asin bakong pagkakonsensia. (Gui. 23:1) Siempre, an pinakamahalaga sa sato bako an binibilang niatong oras, kundi an epektibo niatong paggamit kan oras paagi sa pagigin mahigos sa ministeryo.—Heb. 6:11.