Pagpauswag kan Satong Kakayahan sa Ministeryo—Pagsimbag sa Posibleng mga Pagkontra

Kun Taano ta Mahalaga: Ipamugtak na aram mong may kalamidad na maabot. An mga tawo magagadan kun dai sinda mapasiring sa ligtas na lugar. Nagduman ka sa saimong kataid para patanidan siya, pero sabi niya sibot siya. Siguradong dai ka tulos mapundo sa paghinguwa mong tabangan siya! Dakul sa teritoryo ta an habong maghinanyog sa sato, na dai naiisip an kahalagahan kan nagliligtas-buhay na mensahe ta. Pag magdalaw kita, tibaad sibot sinda. (Mat. 24:37-39) O tibaad maraot an impresyon ninda sa sato dahil sa nadadangog nindang mga sabi-sabi. (Mat. 11:18, 19) Tibaad iniisip ninda na kapareho man sana kita kan mga relihiyon na naggigibo nin maraot. (2 Ped. 2:1, 2) Kun sa primero dai interesado an kagharong, dai kita dapat humali tulos.