1 Imilandu

20 Nomba ku kutendeka kwa mwaka,+ pa nshita ishamfumu shiya ku kulwa,+ Yoabu atungulwile ibumba lya bashilika+ no kuyaonaula icalo ca bana ba kwa Amone no kuyashinga umusumba wa Raba,+ ilyo Davidi ashele mu Yerusalemu; kabili Yoabu asanshile+ umusumba wa Raba no ku-ucimfya. 2 Awe Davidi afuulile Malkamu* icisote ca bufumu ku mutwe,+ kabili asangile ukuti cafinine nalimo amakilogramu 34, kabili calikwete amabwe yauma umutengo; kabili bacifwikile ku mutwe wa kwa Davidi. Ne fyo bapokolwele mu musumba ifyo asendele fyali ifingi nga nshi.+ 3 Na bantu abalimo alibasendele, kabili abapeele umulimo+ wa kuputula amabwe no wa kupanga ifyela fyatwa na masembe ya cela;+ kabili e fyo Davidi acitile ku misumba yonse iya bana ba kwa Amone. E lyo Davidi na bantu bonse babweleele ku Yerusalemu.

4 Nomba pa numa ya ifi, kwaimine inkondo mu Gesere+ na baPelishiti.+ Pali ilya nshita e lyo Sibekai+ umwina Husha aipeye Sipai uwafyelwe mu bena Refa,+ ica kuti abaPelishiti balicimfiwe.

5 Awe kwaimine ubulwi na kabili na baPelishiti; e lyo Elhanani+ mwana Yairi aipeye Laami munyina Galyati+ umwina Gati, uo umusako we fumo lyakwe wali ngo mulando wa bakapikula ba nsalu.+

6 Kwaimine ubulwi na kabili mu Gati,+ ilyo kwali umuntu ipaka nga nshi+ uwali ne minwe mutanda (6) ku fisansa fyonse ne fikondo mutanda ku makasa yonse, fyonse pamo, iminwe ne fikondo, fyali amakumi yabili na fine (24);+ kabili na o afyelwe mu bena Refa.+ 7 Kabili alepontela+ Israele. Awe Yonatani mwana Shimea+ munyina Davidi asukile amwipaya.

8 Aba e bafyelwe mu bena Refa+ mu Gati;+ kabili Davidi na babomfi bakwe e babepeye.+