Watchtower LAIBRARE YA PA INTANETI

Watchtower LAIBRARE YA PA INTANETI

LAIBRARE YA PA INTANETI

Ukufuma 9:14

Baibolo Amalembo ya Calo Cipya
- 14 Pantu uno muku ndetuma ifinkunka fyandi fyonse kuli iwe na ku babomfi bobe na ku bantu bobe, pa kuti wishibe ukuti takwaba uwaba nga ine pano isonde ponse.+

Ukufuma 15:11

Baibolo Amalembo ya Calo Cipya
- 11 Ni lesa nshi pali balesa uwaba nga imwe, mwe Yehova?+
  Nani uwaba nga imwe, mwe ba mushilo nga nshi?+
  Mwe balinga ukutiina+ no kulumbanya,+ mwe bacita ifipesha amano.+

2 Samwele 7:22

Baibolo Amalembo ya Calo Cipya
- 22 E mulandu wine mwabela abakalamba,+ mwe Shikulu Mulopwe Yehova; pantu takwaba uwaba nga imwe,+ kabili takwaba Lesa umbi pali balesa bonse abo twaumfwa na matwi yesu, kano fye imwe mweka.+

Amalumbo 83:18

Baibolo Amalembo ya Calo Cipya
- 18 Pa kuti abantu beshibe+ ukuti imwe mweka, mwe bakwata ishina lya kuti Yehova,+
  Ni mwe Mwapulamo+ pano isonde ponse.+

Amalumbo 86:8

Baibolo Amalembo ya Calo Cipya
- 8 Tapali uwaba nga imwe pali tulesa, mwe Yehova,+
  Kabili tapali imilimo iyaba nge yenu.+

Esaya 46:9

Baibolo Amalembo ya Calo Cipya
- 9 Ibukisheni ifya ntanshi ifya kale na kale,+ ukuti nine Lesa+ kabili takwaba Lesa umbi,+ kabili takwaba umbi uwaba nga ine;+

Yeremia 10:6

Baibolo Amalembo ya Calo Cipya
- 6 Takwaba uwaba nga imwe, mwe Yehova.+ Mwalikulisha, kabili ishina lyenu likalamba kabili lya maka.+

Abena Roma 9:17

Baibolo Amalembo ya Calo Cipya
- 17 Pantu mu Malembo calembwa ukuti Lesa aebele Farao ati: “Ni pali ci cine nakulekela ukutwalilila ukubako, ukuti muli iwe e mo nangile amaka yandi, no kuti ishina lyandi lishibikwe mu calo conse.”+