18 Mu mweshi wa ntanshi, pa bushiku bwe kumi na shine (14) ubwa uyo mweshi, mu nshita ya cungulo mukalelya imikate iishatutumuka ukufika ku bushiku bwalenga amakumi yabili na bumo (21) ubwa uyo mweshi mu cungulo.+

12 “Ning’umfwa ukuilishanya kwa bana ba kwa Israele.+ Sosa kuli bena, auti, ‘Pa cungulo cinono mwalalya inama kabili ulucelo mukekuta ifya kulya;+ e lyo mukeshiba ukuti nine Yehova Lesa wenu.’”+

5 Mu mweshi wa ntanshi, pa bushiku bwalenga ikumi na shine (14) mu mweshi,+ pa cungulo cinono, e pakalaba ica kucilila+ ca kwa Yehova.

3 Pa bushiku bwe kumi na shine (14) mu mweshi uyu pa cungulo cinono+ mukapekanye ica kucilila pa nshita ya ciko. Mukacipekanye ukulingana ne fipope fya ciko fyonse kabili ukulingana na fyonse ifikonkwa lyonse pa kucipekanya.”+

6 Lelo mu cifulo ico Yehova Lesa wenu akasala ukuti ishina lyakwe likale,+ e mo mukapeelele ilambo lya ca kucilila mu cungulo ilyo fye akasuba kawa,+ ukulingana ne nshita ilya ine mwafumiinepo mu calo ca Egupti.