27 Awe ilyo Ahabu aumfwile fye aya mashiwi, alepawile ifya kufwala fyakwe no kufwala insamu;*+ kabili alekele ukulya, kabili aleele fye ninshi nafwala insamu kabili ale-enda fye bulanda bulanda.+

13 “Fwaleni insamu sha kulooseshamo, no kukunkunsha pa fifuba fyenu,+ mwe bashimapepo. Pumenipo imisowa, mwe babombela pa ciipailo.+ Ingileni, laaleni mu nsamu sha kulooseshamo ubushiku bonse, mwe babombela Lesa wandi; pantu nakwiminina ukutuula umutuulo wa ngano+ no mutuulo wa mwangashi mu ng’anda ya kwa Lesa wenu.+