18 “Ning’umfwa Efraimu aleililila ubulanda+ ati, ‘Namunsalapula, pa kuti nsalapulwe,+ ngo mwana wa ng’ombe uo bashasambilisha.+ Nengeni ukupilibuka, na ine nkabwela,+ pantu ni mwe Yehova Lesa wandi.+

32 “‘Pantu nshisekela mu mfwa ya ulefwa,’+ e fyasosa Shikulu Mulopwe Yehova. ‘E ico bweleni no kuba no mweo,+ mwe bantu.’”

11 Sosa kuli bena auti, ‘“Na pali ne mwine,” e fyasosa Shikulu Mulopwe Yehova, “Nshisekela mu mfwa ya mubifi,+ lelo mfwaya ukuti umubifi aleke+ imibele yakwe no kwikalilila uwa mweo.+ Pilibukeni, pilibukeni no kufuma ku mibele yenu iibi,+ nga cinshi ico mulefwila, mwe ba mu ng’anda ya kwa Israele?”’+