21 Nomba kwali ibala lya myangashi ilya kwa Nabote umwina Yesreele, ilyali mu Yesreele,+ mupepi ne sano lya kwa Ahabu imfumu ya Samaria.

15 Nomba ilyo Yesebele aumfwile fye ukuti Nabote napoolwa amabwe kabili nafwa, aebele Ahabu apo pene ukuti: “Ima, bula ibala lya myangashi ilya kwa Nabote umwina Yesreele,+ ibala ilyo akeene ukukushitisha; pantu Nabote tali no mweo, nafwa.”

19 Kabili umwebe auti, ‘Yehova atila, ‘Bushe waipaya+ umuntu kabili wabuula ne bala lyakwe?”’+ Kabili umwebe auti, ‘Yehova atila, “Kulya kwine+ imbwa shamyangiile umulopa wa kwa Nabote, e ko imbwa shikamyangila no mulopa obe wine.”’”+