15 Lelo Yehoyada shimapepo aebele bacilolo ba pa myanda,+ abo basontele pe bumba lya bashilika, ati: “Mufumyeni mu mutande wa bantu, kabili onse uwalamukonka, epaiwe ku lupanga!”+ Pantu shimapepo atile: “Mwimwipaila mu ng’anda ya kwa Yehova.”

19 Abuulile na bacilolo ba pa myanda na balinshi abena Kari+ ne nkombe+ na bantu ba mu calo bonse, ukuti balete imfumu ukufuma mu ng’anda ya kwa Yehova. Kabili bapitile inshila ya ku mpongolo+ ya nkombe ukuya ku ng’anda ya mfumu; na yo yaikele pa cipuna ca bufumu+ ica shamfumu.