7 Moneni! impalume shapunda mu musebo; inkombe sha mutende+ shikalila akalanda.

19 Nafwa mu mala, nafwa mu mala! Ku mutima kulekalipa,+ umutima ulekulunkunta.+ Teti njikale tondolo, pantu ning’umfwa ukulila kwa ntandala, ukulila kwe penga lya bulwi.+

26 We mwana mwanakashi wa bantu bandi, kaka ulusamu*+ mu musana no kuifumfunya mu mito.+ Loosheni kwati muleloosha umwana umwaume umo fye, ukuloosha kwa kukalipwa;+ pantu uupokolola ifipe naisa pali imwe mu kupumikisha.+

9 Iye, kanshi umutwe wandi nga wali amenshi, na menso yandi nga yali akamfukumfuku ka filamba!+ Akasuba no bushiku kuti naloosha abantu ba mwana mwanakashi uwa bantu bandi abo baipaya.+

8 Ni pali ici nkalilila umusowa no kuloosha;+ nkenda ukwabula ukufwala indyato ne fya kufwala.+ Kabili nkalila nga bamumbwe, no kuloosha nga bamwakatala abakota.