3 Nalimo kuti baumfwa no kuleka, umuntu onse imibele yakwe iyabipa,+ kabili kuti naumfwa ubulanda pa bucushi ubo ndetontonkanya ukubaletela pa mulandu wa micitile yabo iyabipa.+

13 Kabili lepuleni imitima yenu,+ mwilepula ifya kufwala iyo;+ bweleleni kuli Yehova Lesa wenu, pantu wa mutembo kabili wa nkumbu,+ alakokola ukukalipa+ kabili alifulisha icikuuku,+ kabili akabipilwa pa mulandu wa bucushi ubukaponena abantu bakwe.+

10 Awe Lesa wa cine amwene imilimo yabo,+ ukuti balyalwike ku mibele yabo iyabipa;+ e ico Lesa wa cine alangulwike+ pa bucushi ubo ali no kubaletela, kabili tabuletele.+

2 E ico apepele kuli Yehova no kutila: “Iye, mwe Yehova, bushe ici te co nasakamene ilyo nali ku mwandi? E mulandu wine intanshi nabutukiile ku Tarshishi;+ pantu nalishibe ukuti ni mwe Lesa wa mutembo kabili uwa luse,+ uukokola ukukalipa kabili uwafulisha icikuuku,+ kabili uushifwaya ukuleta ubucushi.+