7 Kabili abana ba kwa Israele tabaumfwilile ifyo Lesa abebele ukukuma ku fyali no konaulwa pantu Akani+ mwana Karmi, mwana Sabdi, mwana Sera, uwa mu mukowa wa kwa Yuda, abuulilepo ifyali no konaulwa.+ No bukali bwa kwa Yehova bwaishile pa bana ba kwa Israele.+

23 E lyo Naamani atile: “Buulapo amatalanti yabili.” Kabili alemucincisha,+ asukile akakile mu mifuko ibili amatalanti yabili aya silfere, ne fya kufwala fibili, apeele na babomfi bakwe babili, ukuti basende pa ntanshi yakwe.

2 Ifyuma fya mubifi tafyafwa kantu,+ lelo ubulungami e bukapokolola umuntu ku mfwa.+

10 Kabili tabaishiba ukucita icalungama,”+ e fyo asosa Yehova, “abatutila ubunkalwe+ no kusampa ifipe mu mayanda yabo aya pa malinga.”’

3 Golde yenu na silfere yenu nabafilya ku ndalawa, ne shi ndalawa shikaba e nte ya kumushinina kabili shikalya imibili yenu. Ifyo mwaitutilila+ mu nshiku+ sha kulekelesha fili kwati mulilo.+