1 Imilandu
17 Nomba ilyo fye Davidi atendeke ukwikala mu ng’anda+ yakwe, Davidi aebele Natani+ kasesema ati: “Mona ine ndeikala mu ng’anda ya mbao sha mikedari,+ lelo icipao+ ca cipangano ica kwa Yehova cena twacibika mu matenti.”+ 2 Na o Natani atile kuli Davidi: “Conse icili mu mutima wenu citeni,+ pantu Lesa wa cine ali na imwe.”+
3 Nomba mu nshita ya bushiku, pali bulya bwine bushiku, icebo+ ca kwa Lesa caishile kuli Natani, aciti: 4 “Kabiye, kebe Davidi umubomfi wandi auti, ‘Yehova atila: “Te iwe ukankuulila ing’anda ya kwikalamo.+ 5 Pantu nshatala njikala mu ng’anda ukutula fye pa bushiku nafumishe abena Israele ukufika na buno bushiku,+ lelo nalefuma mwi tenti limo no kuya mwi tenti limbi kabili nalefuma mu cikuulwa ca mushilo+ cimo no kuya kuli cimbi.+ 6 Inshita yonse iyo naenda+ mu calo ca Israele conse, bushe nalyebapo umo pa bapingushi ba mu Israele abo naebele ukucema abantu bandi, nati, ‘Cinshi ico mushankuulila ing’anda ya fimuti fya mikedari?’”’+
7 “Nomba ifi e fyo ukebe umubomfi wandi Davidi, auti, ‘Yehova wa milalo atila: “Ine nakubuulile ukufuma mu mpanga ya mulemfwe umo walesakamana impaanga+ pa kuti wise ube intungulushi+ ya bantu bandi abena Israele. 8 Kabili nakulaba na iwe konse uko waya,+ kabili nkalofya abalwani+ bobe bonse pa ntanshi yobe, kabili nkakulenga ukulumbuka+ nge fyalumbuka abalumbuka ababa pe sonde.+ 9 Kabili nkasalila abantu bandi abena Israele icifulo no kubalimba,+ na bo bakekala mu cifulo cabo kabili takwakabe na wa kubafulunganya na kabili; na babifi+ tabakabacushe na kabili, nge fyo babacushishe kale,+ 10 ukufuma mu nshiku nasontele abapingushi+ ukulatungulula abantu bandi abena Israele. Kabili nkaceefya abalwani+ bobe bonse. Kabili ndekweba nati, ‘Yehova akakukuulila ne ng’anda.’+
11 “‘“Nomba ilyo inshiku shobe shikafika isha kuti ukayeba ukwaba ifikolwe+ fyobe, nkemya umwana obe uukakonkapo uukaba wa mu bana+ bobe, kabili nkapampamika ubufumu bwakwe.+ 12 E ukankuulila ing’anda,+ kabili nkapampamika icipuna ca bufumu bwakwe umuyayaya.+ 13 Ine nkaba wishi,+ na o akaba umwana+ wandi; kabili nshakafumye icikuuku candi pali ena+ filya nacifumishe pa wakutangilile.+ 14 Kabili nkamulenga ukuba mu ng’anda+ yandi na mu bufumu+ bwandi umuyayaya, kabili icipuna+ cakwe ica bufumu cikaba ica muyayaya.”’”
15 Natani aebele Davidi ukulingana ne fyali amashiwi yonse aya kabili ukulingana ne cimonwa ici conse.+
16 Awe Imfumu Davidi yalingiile no kwikala pa ntanshi ya kwa Yehova+ no kutila: “Nine ani,+ mwe Yehova Lesa, kabili bushe ing’anda+ yandi yalicindama apo mwancitila fyonse ifi fintu?+ 17 Mwe Lesa,+ ifyo mwalanda ukuncitila kale kale fingi,+ lelo mwalanda no kuti ing’anda ya mubomfi wenu ikafika ku nshita ya ku ntanshi sana,+ kabili mwalolesha ine ngo muntu umucindami,+ mwe Yehova Lesa. 18 Bushe finshi fimbi Davidi engasosa kuli imwe pa kucindika umubomfi+ wenu, apo mwe bene mwalishiba bwino umubomfi wenu?+ 19 Mwe Yehova, pa mulandu wa mubomfi wenu kabili ukulingana ne fya mu mutima+ wenu mwacita ifi fintu fyonse ifikalamba pa kulenga ifikalamba fyonse ifyacitwa ukwishibikwa.+ 20 Mwe Yehova, takwaba uwaba nga imwe,+ kabili ifintu fyonse ifyo twaumfwa na matwi yesu filanga ukuti takwaba Lesa umbi kano fye imwe mweka.+ 21 Kabili luko nshi lumbi pe sonde ulwaba nga bantu benu abena Israele,+ abo Lesa wa cine aileilubwila ukuba abantu bakwe,+ no kuipangila ishina pa kucita imilimo ikalamba+ ne fya kutiinya pa kutamfya inko+ pa ntanshi ya bantu benu abo mwailubwilile ukufuma mu Egupti? 22 Kabili mwalengele abantu benu abena Israele ukuba abantu+ benu umuyayaya, kabili imwe mwe Yehova, mwaishileba Lesa wabo.+ 23 Nomba, mwe Yehova, lekeni amashiwi musosele pa mubomfi wenu na pa ba mu ng’anda yakwe yakabe aya cishinka umuyayaya, kabili citeni ifyo musosele. 24 Kabili ishina+ lyenu libe ilya cishinka no kuba ilikalamba+ umuyayaya, pa kuti abantu bakatile, ‘Yehova wa mabumba,+ Lesa wa bena Israele,+ e Lesa ku bena Israele,’+ kabili lekeni ing’anda ya kwa Davidi umubomfi wenu ibelelele kuli imwe.+ 25 Pantu imwe, mwe Lesa wandi, namusokolwela umubomfi wenu ukuti mulefwaya ukumukuulila ing’anda.+ E co umubomfi wenu alepepela kuli imwe. 26 Nomba, mwe Yehova, ni mwe Lesa wa cine,+ kabili mwalaya umubomfi wenu icisuma ici.+ 27 Nomba paaleni ing’anda ya mubomfi wenu pa kuti itwalilile umuyayaya ku cinso cenu;+ pantu imwe, mwe Yehova, namuipaala, kabili ikapaalwa umuyayaya.”+