Ku ng’omba nkalamba. Ulwa bana ba kwa Kora+ pa Bakashana. Ulwimbo.
46 Lesa e cubo cesu kabili e maka yesu,+
E utwafwa lyonse ilyo tuli na mafya.+
2 E co tushakatiinine, nangu isonde lyaluke+
Kabili nangu impili shikunkulukile mu kati ka bemba mukalamba;+
3 Nangu amenshi ya uko yalulunkane no kufuluka,+
Nangu impili shitente ku kutumbana kwa yako.+ Seʹlah.
4 Kwaba umumana uo amenshi ya uko yalenga umusumba wa kwa Lesa ukusekelela,+
Ing’anda ya lulumbi iya mushilo nga nshi iya Wapulamo.+
5 Lesa ali mu kati ka musumba;+ tawakatelentenshiwe.+
Lesa akawafwa ilyo bwaca.+
6 Inko shalilulunkene,+ amabufumu yalitentele;
Isonde lyalisungulwike kwi shiwi lyakwe ilyo asosele.+
7 Yehova wa mabumba ali na ifwe;+
Lesa wa kwa Yakobo e cubo cesu.+ Seʹlah.
8 Iseni, moneni imilimo ya kwa Yehova,+
Ifyo acita ifipesha amano pano isonde.+
9 Alelenga inkondo ukupwa ukufika ku mpela sha pano isonde;+
Ubuta abukontola kabili aputaula ne fumo;+
Aoca na maceleta mu mulilo.+
10 Cimbeni, kabili ishibeni ukuti nine Lesa.+
Nkasansabikwa mu nko,+
Nkasansabikwa pano isonde.”+
11 Yehova wa mabumba ali na ifwe;+
Lesa wa kwa Yakobo e cubo cesu.+ Seʹlah.