Amalumbo

48 Yehova mukulu kabili alinga ukutasha+

Mu musumba wa kwa Lesa wesu,+ mu lupili lwakwe ulwa mushilo.+

 2 Icasansuka ubusaka, ico abantu bonse pe sonde baangilapo,+

Lupili lwa Sione ulwaba mu mbali sha ku kapinda ka ku kuso akabela ukutali,+

Umusumba wa Mfumu Nkulu.+

 4 Pantu, moneni! bashamfumu bakumana ukulingana no kupangana kwabo,+

Baendela pamo.+

 5 Balimwene; kabili bapeshiwe amano.

Balisakamene, balengelwe ukufulumuka.+

 6 Ukututuma kwabekatiile kulya,+

Baculile ngo mwanakashi uulepaapa.+

 8 Filya fine twaumfwa, e fyo twamona+

Mu musumba wa kwa Yehova wa mabumba, mu musumba wa kwa Lesa wesu.+

Lesa akaupampamika umuyayaya.+ Seʹlah.

 9 Mwe Lesa, twatontonkanya pa cikuuku cenu+

Mu kati ke tempele lyenu.+

10 Ukumutasha, mwe Lesa, kwaba nge shina lyenu+

Ukufika ku mpela sha pano isonde.

Ukuboko kwenu ukwa ku kulyo kwaisulamo ubulungami.+

11 Shi nalusekelele Ulupili lwa Sione,+

Naisekelele imishi ya kwa Yuda,+ pa mulandu wa bupingushi bwenu.+

12 Shingulukeni Sione, no kwendaukamo,+

Pendeni impungu sha uko.+

13 Bikeni imitima yenu pe linga lya uko.+

Lolekesheni amayanda ya uko aya pa malinga,

Pa kuti mukalondolwele aba nkulo ya ku ntanshi.+

14 Pantu Lesa uyu ni Lesa wesu umuyayaya, umuyayaya.+

Akatutungulula mpaka imfwa.+