Yona
1 Kabili icebo ca kwa Yehova caishile kuli Yona+ mwana Amitai, aciti: 2 “Ima, kabiye ku Ninebe+ umusumba uukalamba, no kubila kuli wena ukuti nimona ububi bwabo.”+
3 Awe Yona aliimine no kubutukila ku Tarshishi+ ukufuma ku cinso ca kwa Yehova;+ atentemukila ku Yopa+ no kusanga ubwato ubwaleya ku Tarshishi. E ico alipile umutengo wa lwendo no kwingilamo, pa kuti aye na bo ku Tarshishi ukufuma ku cinso ca kwa Yehova.
4 E lyo Yehova aletele umwela uukalamba pali bemba,+ kabili kwali icipuupu icikalamba+ pali bemba; no bwato bwapene bonaike. 5 Kabili abale-ensha ubwato balitiinine kabili cila muntu atendeke ukulilila kuli lesa wakwe.+ Kabili balepoosa ifipe ifyali mu bwato muli bemba, pa kuti bwangukeko.+ Lelo Yona aile mu kati ka bwato, kabili alisendeme no kupona mu tulo.+ 6 E lyo umukalamba wa bwato apaleme kuli ena no kumweba ati: “Cili shani, we uleele? Ima, lilila kuli lesa obe!+ Nalimo Lesa wa cine alatusakamana, kabili tatwalobe.”+
7 E lyo balalanshanya abati: “Iseni, kabili natupendule,+ pa kuti twishibe ni pa mulandu wa kwa nani ubu bwafya bwaishila pali ifwe.”+ Awe balapendula, kabili icipendwilo casukile cawila Yona.+ 8 E ico batile kuli ena: “Shi twebe, ni pa mulandu wa kwa nani ubu bwafya bwaishila pali ifwe?+ Mulimo nshi ubomba, kabili ni kwi wafuma? Uli wa ku calo nshi, kabili ni ku bantu nshi wafuma?”
9 E lyo abebele ati: “Ndi muHebere,+ kabili Yehova Lesa wa mu muulu+ e o ntiina,+ uwapangile bemba no mulundu.”+
10 Awe abaume balitiinine nga nshi, kabili bamwipwishe abati: “Nga cinshi ici wacita?”+ Pantu balya baume baishibe ukuti alefulumuka ku cinso ca kwa Yehova, pantu alibebele. 11 E lyo bamwipwishe ati: “Cinshi twalakucita+ pa kuti bemba atalale?” Pantu bemba alecililako fye ukululunkana. 12 E ico abebele ati: “Njimyeni no kumpoosa muli bemba, na bemba alamutalalila; pantu ninjishiba ukuti ni pa mulandu wandi ici cipuupu icikalamba ica mwela cishiile pali imwe.”+ 13 Lelo abaume balibombeshe ukuti babweseshe ubwato ku mulundu; lelo balifililwe, pantu bemba alecililako fye ukululunkana.+
14 E lyo baliliile kuli Yehova no kutila:+ “Iye, nomba, mwe Yehova, shi twifwilamo pa mulandu wa uyu muntu! Kabili mwibika pali ifwe umulopa wa kaele,+ pantu imwe mwe bene, mwe Yehova, namucita ifyo mutemenwe!”+ 15 E lyo baimishe Yona no kumupoosa muli bemba; na bemba alekele ukululunkana.+ 16 Awe aba bantu batiinine Yehova nga nshi,+ kabili batuulile ilambo kuli Yehova+ no kulapa imilapo.+
17 Nomba Yehova atumine icisabi icikalamba ica kumina Yona,+ na o Yona ali mu nda ya cisabi inshiku shitatu akasuba no bushiku.+
2 E lyo Yona apepele kuli Yehova Lesa wakwe mu nda ya cisabi+ 2 no kutila:
“Mu kucula kwandi naliliile kuli Yehova,+ kabili alinjaswike.+
Mu nda ya Nshiishi* nalililile.+
Na imwe mwaumfwile ishiwi lyandi.+
3 Ilyo mwampoosele umwashika, mu kati ka bemba uwapabuka,+
Umumana walinshingulwike.
Amatamba yenu yonse na mabimbi yenu yapitile pa muulu wandi.+
4 Awe ine, natile, ‘Nintamfiwa pa ntanshi yenu!+
Bushe nkalolesha shani kabili pe tempele lyenu ilya mushilo?’+
5 Amenshi yalinshingulwike konse konse;+ naibile mu menshi ayashika.
Ifitabilila fyalimpombele ku mutwe.
6 Natentemukile ku mashinte ya mpili.
Isonde na lyo, imipindo ya liko yali pali ine umuyayaya.
Lelo ukufuma mu cilindi mwabuulile ubumi bwandi, mwe Yehova Lesa wandi.+
7 Ilyo umweo wandi wanakile,+ e lyo naibukishe Yehova.+
Kabili ipepo lyandi lyaishile kuli imwe, mwi tempele lyenu ilya mushilo.+
8 Lelo balya abapepa utulubi twa bufi, basha intulo yabo iya cikuuku.+
10 E lyo Yehova aebele icisabi, na co calukiile Yona ku mulundu.+
3 E lyo icebo ca kwa Yehova caishile kuli Yona umuku wa cibili, aciti:+ 2 “Ima, kabiye ku Ninebe umusumba uukalamba, no kubilamo imbila+ iyo ndekweba.”
3 Awe Yona alimine no kuya ku Ninebe nge fyo Yehova amwebele.+ Nomba Ninebe wali musumba uukalamba kuli Lesa,+ uwa kwendamo inshiku shitatu. 4 Yona asukile aingila mu musumba ulwendo lwa bushiku bumo, kabili alebila no kutila: “Kwashala fye inshiku amakumi yane (40), ninshi Ninebe aonaulwa.”+
5 Kabili abantu ba mu Ninebe balatetekela Lesa,+ kabili babilile imbila ya kuleka ukulya kabili bafwele insamu,*+ ukutendekela pa mukalamba ukufika fye na ku munono. 6 Ilyo amashiwi yafikile ku mfumu ya Ninebe,+ e lyo yaimine pa cipuna ca iko ica bufumu, yafuulile ica kufwala ca bufumu, yafwela ne nsamu no kwikala mu mito.+ 7 Kabili, yapishishemo imbila ya kweba aba mu Ninebe. Imfumu na bacilolo bapeele icipope ca kuti:
“Takuli umuntu nangu icitekwa, impaanga ne ng’ombe, ififwile ukulya. Takuli icifwile ukulya ifya kulya. Tabafwile ukunwa nangu fye menshi.+ 8 Kabili lekeni bafwale insamu, abantu ne fitekwa; kabili balilile kuli Lesa na maka, kabili umuntu onse aleke+ imibele yakwe iyabipa no bunkalwe ifyo alecita. 9 Nani eshibe nga Lesa wa cine kuti apilibuka no kulanguluka+ no kubwesha ubukali bwakwe ubulepya ngo mulilo, pa kuti twiloba?”+
10 Awe Lesa wa cine amwene imilimo yabo,+ ukuti balyalwike ku mibele yabo iyabipa;+ e ico Lesa wa cine alangulwike+ pa bucushi ubo ali no kubaletela, kabili tabuletele.+
4 Lelo kuli Yona, ici cintu calibipishe,+ kabili abubwike mu bukali. 2 E ico apepele kuli Yehova no kutila: “Iye, mwe Yehova, bushe ici te co nasakamene ilyo nali ku mwandi? E mulandu wine intanshi nabutukiile ku Tarshishi;+ pantu nalishibe ukuti ni mwe Lesa wa mutembo kabili uwa luse,+ uukokola ukukalipa kabili uwafulisha icikuuku,+ kabili uushifwaya ukuleta ubucushi.+ 3 Kabili nomba, mwe Yehova, sendeni umweo+ wandi, pantu ukufwa kwangwamina ukucila ukuba no mweo.”+
4 Yehova na o atile: “Bushe naulungika ifi wakalipa nga nshi?”+
5 E lyo Yona afumine mu musumba no kuyaikala ku kabanga ka musumba; kabili aipangiile insakwe, ukuti ekale mwi samba lya iko mu cintelelwe,+ asuke amone icali no kucitikila umusumba.+ 6 Awe Yehova Lesa ateyenye ulungu, ukuti lutabilile pali Yona, ku kuba icintelelwe pa mutwe wakwe, ku kumulubula ku kucula kwakwe.+ Na Yona alasekelela nga nshi pa lungu.
7 Lelo Lesa wa cine atumine icinsenda+ ku macaca ubushiku bwakonkelepo, pa kuti cilye ulungu; kabili caliile ulungu na lo lwasukile lwauma.+ 8 Nomba, ilyo akasuba kabalike, Lesa kabili atumine umwela wakaba uwa ku kabanga,+ na kasuba kalaoca pa mutwe wa kwa Yona, ica kuti apene afwe icipupu;+ kabili alombele ukufwa, ati: “Ukufwa kwangwamina ukucila ukuba no mweo.”+
9 E lyo Lesa atile kuli Yona: “Bushe naulungika ifi wakalipa nga nshi pali ulu lungu?”+
Awe atile: “Ninungika ukukalipa nga nshi, ukufika na ku mfwa.” 10 Lelo Yehova atile: “Iwe waumfwila ulungu ubulanda, ulo ushaculiile nelyo ukukusha, ulwalulumwike fye mu bushiku bumo no kuloba mu bushiku bumo bwine. 11 Bushe na ine nshifwile ukuumfwila ubulanda Ninebe umusumba uukalamba,+ umwaba abantu ukucila pa makana umwanda umo na makana amakumi yabili (120,000) abashaishiba nangu panono ukulekanya ukuboko kwabo ukwa ku kulyo no kwa ku kuso, pamo ne fitekwa ifingi?”+
Moneni Icipande calenga 3 ica Ifyalundwako.
Abantu balefwala “insamu” nga baleloosha nelyo nga bali no bulanda.