Kalata wa Bubili Kuli Timote

1 Ine ne Paulo, ne mutumwa wa kwa Kristu Yesu uo Lesa aita ukulingana no kufwaya+ kwakwe kabili ukulingana no bulayo bwa bumi+ ubwishila mu kukonka Kristu Yesu,+ 2 nalembela iwe Timote, we mwana wandi uwatemwikwa:+

Icikuuku, uluse, no mutende ukufuma kuli Lesa Shifwe na Kristu Yesu Shikulwifwe fibe na iwe.+

3 Ndetootela Lesa, uo mombela+ nge fyo ifikolwe+ fyandi fyacitile kabili na kampingu umusuma,+ pantu nshileka ukukwibukisha mu mapepo yandi aya kupapaata,+ ubushiku na kasuba, 4 ndefuluka ukukumona+ pa kuti nsekelele sana, pantu ndeibukisha ifilamba fyobe. 5 Pantu njibukisha icitetekelo+ ico wakwata icabula ubumbimunda,+ kabili icali pa kubala na nokokulu Loisi e lyo na noko Yunike, kabili nincetekela ukuti na iwe e citetekelo wakwata.

6 Ni pali uyu wine mulandu ndekwibukishako ukulabomfya sana ica bupe+ ca kwa Lesa icaba muli iwe ilyo nabikile iminwe yandi pali iwe,+ kabili ucibilimye kwati mulilo.+ 7 Pantu umupashi Lesa atupeele te wa bukuuwe,+ lelo wa maka+ kabili uwa kutemwa kabili uwa mano ayatuntulu.+ 8 E ico wiba ne nsoni sha kushimika pali Shikulwifwe,+ nangu pali ine ne mufungwa pa mulandu wakwe,+ lelo na iwe culila+ imbila nsuma ku maka ya kwa Lesa.+ 9 Alitupuswishe+ no kutwita ubwite bwa mushilo,+ te pa mulandu wa milimo yesu,+ lelo pa mulandu wa kufwaya kwakwe ne cikuuku cakwe. Ici capeelwe kuli ifwe muli Kristu Yesu ku nshita sha ku kale na kale,+ 10 lelo nomba ici cikuuku calisokolwelwa bwino mu kumoneka+ kwa Mupusushi wesu, Kristu Yesu, uwafumyapo imfwa+ lelo asanika ulubuuto+ pa bumi+ ubushingonaika+ ukupitila mu mbila nsuma,+ 11 kabili balinsontele ukuba kabila kabili umutumwa kabili kasambilisha wa iyi ine imbila nsuma.+

12 Ni pali uyu wine umulandu ndeculila+ ne fi fintu, lelo nshili ne nsoni.+ Pantu nalishiba uo nasuminamo, kabili nincetekela ukuti alikwata amaka ya kusunga+ ico naseekesha kuli ena ukufika na kuli bulya bushiku.+ 13 Uleikatisha icipasho ca mashiwi ayatuntulu+ ayo waumfwile kuli ine. Uleyekatisha ne citetekelo no kutemwa ifyaba muli Kristu Yesu.+ 14 Ici cuma icaseekeshiwa+ ucisunge ukupitila mu mupashi wa mushilo uwaikala muli ifwe.+

15 Walishiba bwino ukuti bonse aba mu Asia+ balimfutuka.+ Bamo pali aba ni Fugele na Hermogene. 16 Shikulu nabelele uluse aba mu ng’anda ya kwa Onesifore,+ pantu ilingi alinsansamwishe,+ kabili tali ne nsoni pa mulandu wa kuti nali mu cifungo.+ 17 Lelo, ilyo afikile mu Roma, alimfwaile nga nshi no kunsanga.+ 18 Shikulu Yehova amubelele uluse+ muli bulya bushiku.+ Kabili umulimo onse uo abombele mu Efese waliwishiba bwino bwino.

2 E ico, we mwana wandi,+ ulekosa+ mu cikuuku ca kwa Lesa+ ico na Kristu Yesu akwata, 2 kabili ifintu ifyo waumfwile kuli ine ifyo ne nte+ ishingi shashininkisha, ifi fintu ufipeele ku ba cishinka, abakafikapo bwino bwino ukusambilisha bambi.+ 3 Apo uli mushilika+ umusuma uwa kwa Kristu Yesu, ucule ku bubi.+ 4 Takwaba umushilika+ nangu umo uitumpa mu fya kucitacita ifya muli cino calo pa kuti apange indalama.+ Pantu afwaya ukucita ifya kuti asekeshe uwamwingisha ubushilika. 5 Kabili, umuntu uulebutuka mu kucimfyanya mu mangalo,+ tapoka icilambu kano abutuka ukulingana na mafunde. 6 Umulimi uubombesha afwile ukuba e wa kubalilapo ukulyako ifisabo.+ 7 Lyonse uletontonkanya pa co ndesosa; cine cine Shikulu akalenga ukuti wiluke+ ifintu fyonse.

8 Ibukisha ukuti Yesu Kristu alibuushiwe ku bafwa+ kabili ali pa bana+ ba kwa Davidi, ukulingana ne mbila nsuma iyo nshimikila;+ 9 iyo ndeculila ukufika na ku kukakwa+ kwati ndi cipondo. Lelo, icebo ca kwa Lesa tacakakwa.+ 10 E co nshipikishisha ifintu fyonse pa mulandu wa basalwa,+ ukuti na bo bakapusukile muli Kristu Yesu e lyo no kucindamikwa umuyayaya.+ 11 Ya cishinka aya mashiwi ayatila:+ Nga cine cine twafwilile pamo nankwe, tukaba no mweo pamo nankwe;+ 12 nga twatwalilila ukushipikisha, tukaba ishamfumu no kutekela capamo nankwe;+ nga twamukaana,+ na o akatukaana; 13 nga twabulwa icishinka, ena atwalilila uwa cishinka,+ pantu te kuti aikaane umwine.

14 Ulebebukishako+ pali ifi fintu, kabili ulebakonkomesha+ pa ntanshi ya kwa Lesa nge nte,+ ukuti tabafwile ukulakansanina pa mashiwi,+ icintu icishafwa kantu nakalya pantu ciwisha icitetekelo ca baleumfwa. 15 Uibikilisheko ukuipeela kuli Lesa ngo muntu uo asuminisha,+ umubomfi+ uushingaba ne nsoni pa mulimo wakwe,+ uulungika pa kusambilisha icebo ca cine.+ 16 Lelo taluka ku milandile ya buwelewele iishumfwana ne fya mushilo;+ pantu abalanda iyo milandile bakaya balebipilako fye mu kucita ifyabipa,+ 17 kabili amashiwi yabo yakasalangana nge cilonda icishipola.+ Bamo pali aba ni Humenai na Filete.+ 18 Aba bene bantu balipaasuka ku cine,+ pa kusosa ukuti ukubuuka kwa bafwa kwalicitika kale;+ kabili baleonaula icitetekelo ca bamo.+ 19 Pali fyonse ifi, umufula uwakosa uwa kwa Lesa walikalilila,+ umufula apafwatikwa amashiwi ayatila: “Yehova aishiba abakwe,”+ na yatila: “Onse uulumbula ishina lya kwa Yehova+ ataluke ku cabipa.”+

20 Awe mu ng’anda iikalamba tamwaba fye ifipe fya golde na silfere lelo mwaba ne fya fimuti ne fye bumba, kabili fimo fya mulimo wa mucinshi lelo fimbi na fyo fya mulimo uwabula umucinshi.+ 21 E ico, umuntu nga aitalusha ku fipe ifyabula umucinshi, akaba icipe ica mucinshi kabili ica mushilo, ico umwine engalabomfya, icalinga ukubomba umulimo onse uusuma.+ 22 Kanshi fulumuka ulunkumbwa lwa mu bulumendo,+ lelo konkelela ubulungami,+ icitetekelo, ukutemwa, umutende,+ kabili uleba pamo na balilila kuli Shikulu ne mitima iyasanguluka.+

23 Kabili ukaane ifipusho fya buwelewele kabili ifishalolamo,+ pantu walishiba ukuti fiimya fye ulubuli.+ 24 Lelo umusha wa kwa Shikulu tafwile ukucita ulubuli,+ lelo afwile ukuba uwanakilila kuli bonse,+ uwafikapo ukusambilisha,+ uushishimisha ububi,+ 25 uufunda mu kunakilila abasuusha;+ nalimo Lesa kuti abasuminisha ukulapila+ pa kuti beshibe icine bwino bwino,+ 26 kabili beluke no kufuma mu citeyo+ ca kwa Satana Kaseebanya, apo alibekata abatuntulu+ pa kutila balecita ukufwaya kwakwe.

3 Lelo ishiba ukuti mu nshiku+ sha kulekelesha mukesaba inshita ishayafya nga nshi.+ 2 Pantu abantu bakaba abaitemwa, abatemwa indalama, aba mataki, aba matutumuko, aba miponto, abashumfwila abafyashi babo,+ abashitasha, abashaba na cishinka,+ 3 abashatemwa abantu,+ abashifwaya ifipangano,+ aba lwambo,+ abashailama, abankalwe,+ abashatemwa ubusuma,+ 4 abafutuka abanabo,+ bamunshebwa, aba cilumba,+ abatemwa ukwangala ukucila ukutemwa Lesa,+ 5 abamoneka kwati ni bakapepa+ lelo abakaana amaka ya bukapepa;+ ku ba musango yu uletalukako.+ 6 Pantu muli aba e mufuma abaya mu mayanda+ mu bucenjeshi no kutwala muli bunkole abanakashi abanaka abafinininwa ku membu, abatungululwa ku fya lunkumbwa fyalekanalekana,+ 7 abasambilila lyonse lelo abafilwa ukwishiba icine bwino bwino.+

8 Nomba filya fine Yane na Yambre+ bakeenye Mose, e fyo na bo bene bakaanya icine,+ abantu abaonaikilila amatontonkanyo,+ balibakaana pa mulandu wa kufilwa ukukonka ubuKristu.+ 9 Lelo, tabakalunduluke ukucila apa, pantu ubushilu bwabo bukamoneka kuli bonse, filya fine ubushilu bwa balya babili bwamoneke.+ 10 Lelo iwe walikonka bwino bwino isambilisho lyandi, imibele yandi,+ ifyo mfwaya ukucita, icitetekelo candi, ukushishimisha kwandi, ukutemwa kwandi, ukushipikisha kwandi, 11 ukucula kwandi, amafya yandi, ifintu ifyancitikile mu Antioke,+ mu Ikonia,+ mu Lustra,+ ukucula uko nashipikishako; lelo muli ifi fyonse Shikulu alimpokolwele.+ 12 Na kuba, bonse abafwaisha ukwikala ukulingana na bukapepa muli Kristu Yesu bakabacusha.+ 13 Lelo ababifi kabili incenjeshi bakaya balebipilako fye, bakulalufya kabili bakulalufiwa.+

14 Lelo iwe, ikalilila mu fyo wasambilile kabili ifyo bakushinine ukuti fya cine,+ pantu walishiba umusango wa bantu abakusambilishe ifi fintu+ 15 no kuti ukufuma ku bunya+ waishiba amalembo ya mushilo ayaba na maka ya kukulenga ukuba uwa mano, kabili aya mano, kuti yalenga wapusuka+ mu kutetekela Kristu Yesu.+ 16 Amalembo yonse aya mushilo yafuma kuli Lesa+ kabili ya mulimo ku kusambilisha,+ ku kukalipila,+ ku kulungika ifintu,+ ku kusalapwila+ mu bulungami, 17 pa kuti umuntu wa kwa Lesa abe uwafikapo bwino bwino,+ uwaipangasha icine cine ukubomba umulimo onse uusuma.+

4 Ndekukonkomesha pa menso ya kwa Lesa na ya kwa Kristu Yesu, uukapingula+ aba mweo na bafwa,+ ukupitila mu kumoneka+ kwakwe na mu bufumu bwakwe,+ nati, 2 bila icebo,+ cincila mu nshita iiweme,+ na mu nshita iishiweme,+ ulelungika,+ ulekalipila, ulekoselesha, mu kushishimisha+ konse no kusambilisha bwino. 3 Pantu ikesa inshita ilyo bakaleka ukukonka isambilisho+ ilituntulu, lelo bakailonganikila bakasambilisha aba kubeba ifyo abene balefwaya ukumfwa,+ ukulingana ne fya lunkumbwa fyabo abene; 4 kabili bakaleka ukukutika ku cine, lelo bakalakutika ku malyashi ya bufi.+ 5 Lelo iwe ube uwatekanya+ mu fintu fyonse, cula ku bubi,+ bomba umulimo wa kwa kabila wa mbila nsuma,*+ bombesha umulimo obe onse.+

6 Pantu ine nomba balenjitulula kwati mutuulo uwa mwangashi,+ kabili inshita yandi iya kulubuka+ naipalama. 7 Nindwa ubulwi ubusuma,+ nimbutuka ulubilo ukufika na ku mpela,+ ninsunga icitetekelo.+ 8 Ukufuma nomba ukuya ku ntanshi balinsungila icilambu ca bulungami,+ ico Shikulu, kapingula uwalungama,+ akampeela ku kuba icilambu+ muli bulya bushiku,+ awe te ine neka akapeela, lelo akapeela na bonse abapembela ukuti akamoneke.

9 Esha na maka ukwisa bwangu kuno.+ 10 Pantu Dema+ alinsha pa mulandu wa kutemwa ifya muli cino calo,+ kabili aliya ku Tesalonika; Kreske aya ku Galatia,+ Tito aya ku Dalmatia. 11 Luka eka e uli na ine. Ukese na Marko, pantu kuti alengafwako.+ 12 Lelo nalituma Tukiki+ ku Efese. 13 Pa kwisa ukalete ica kufwala ico nashile mu Troa+ kuli Karpi, na mabuuku ayapombwa, maka maka impapa sha kulembapo.

14 Alekisanda+ kafula wa mukuba alincitile ifyabipa ifingi—Yehova akamupeela ukulingana ne milimo yakwe+— 15 na iwe ukacenjele kuli uyu muntu, pantu alikoselepo nga nshi ukukaanya ifyo twalesambilisha.

16 Ilyo nalelubulula umuku wa kubalilapo tapali uwali kuli ine, lelo bonse balinshile+—bekapeelelwapo umulandu pali ici+— 17 lelo Shikulu aiminine kuli ine+ no kumpeela amaka,+ ukuti mbile nga nshi imbila nsuma* na bena fyalo bonse bomfwe;+ kabili balimpokolwele ku kanwa ka nkalamo.+ 18 Shikulu akampokolola ku mulimo+ onse uubi kabili akampususha, nkaye na mu bufumu+ bwakwe ubwa mu muulu. Kuli ena kube umucinshi pe na pe. Ameni.

19 Umposesheko Priska*+ na Akula na ba mu ng’anda ya kwa Onesifore.+

20 Erasti+ ashele mu Korinti,+ lelo nashile Trofimu+ nalwala mu Milete.+ 21 Weshe na maka yobe yonse ukwisa ilyo inshita ya mpepo tailaisa.

Yubuli akuposha, na Pudense na Lini na Klaudia na ba bwananyina bonse.

22 Shikulu abe na iwe pa mulandu wa mibele yobe.+ Icikuuku ca kwa Lesa cibe na imwe.