“We Fyebo Ulawama!”

Ni shani fintu abacaice bengeshiba imifwaile mu bumi, ukuishiba abene, nelyo ukwishiba ifya kumfwana na bafyashi babo? Nomba line fye, iofeshi lya Nte sha kwa Yehova ilya ku Spain lyapokelele kalata, fimo ifyali muli uyu kalata ni fi:

“Umulandu namulembela wa kumutasha nga nshi pa mulimo usuma uo mucita mu kusabankanya ifitabo fishaiwamina, pamo nge citabo ca Ifipusho Abacaice—Bepusha Ifyasuko Fibomba. We fyebo ulawama! Ndetasha bakalemba na bakasabankanya, abalemba ifyo iminshipendwa ya bacaice bafwaisha.

“Ndi mukashana wa myaka 21 kabili kale natendeke ukufwaisha ukusambilila Baibolo. . . . Cali fye nkuma, lintu naishilekwata icitabo ca Ifipusho Abacaice—Bepusha Ifyasuko Fibomba ukupitila mu munandi.

“Pa kubala naletontonkanya ukuti tacakangafwe, lelo panono panono natendeke ukufwaisha ukucibelenga. Canengele ukutontonkanya pa fintu ifingi, pamo nge fyo ningile ukucita mu bumi, kabili panono panono cayaswike ifipusho fyandi. Pa kukwata ici cintu caumo mutengo, nasambilile ifya kumfwikisha abafyashi bandi, ifya kwelela, ne fya kuba umwanakashi no kucita ifyo afwile ukucita.”

Nga ca kuti mulefwaya ukumwenamo mu fyebo mu citabo ca Abacaice, kuti mwapokelela kope ukupitila mu kwisushisha no kutuma akapepala kali pe samba ku keyala kalangililwepo nelyo ku keyala kalinga akali pe bula 5 muli uno magazini.