ICIPUTULWA 9

Ni Lilali Icalo Cikaba Paradaise?

Amafya ayali pe sonde yaletulangilila fye ukuti nomba line Ubufumu bwa kwa Lesa bwalacitapo cimo. Luka 21:10, 11; 2 Timote 3:1-5

Ifyabipa ifilecitika mu nshiku sha kulekelesha, pamo nga ukuteya ifyangalo fya kushitikapo, inkondo, amalwele, ifipowe, abana ukunaumfwila abafyashi, e lyo no bunkalwe mu mayanda

Baibolo yalisobele ifintu ifingi ifilecitika shino nshiku. Yatile abantu bakaba abatemwa indalama, abashumfwila abafyashi babo, abankalwe, kabili abatemwa ukwangala.

Kabili yatile kukaba ifinkukuma fikalamba, inkondo, ifipowe, no kuti amalwele yakafula. Ifi e filecitika pali ino nshita.

Inte sha kwa Yehova balebila imbila nsuma ya Bufumu ku mwaume

Na kabili, Yesu atile no kuti imbila nsuma ikabilwa pano isonde ponse.—Mateo 24:14.

Ubufumu bukafumyapo ifyabipa fyonse. 2 Petro 3:13

Ababifi baonaulwa pa Armagedone, lyena Satana ne fibanda fyakwe bakabakanda

Nomba line Yehova ali no konaula bonse abacita ifyabipa.

Satana ne fibanda fyakwe bakakandwa.

Yesu naikala pa cipuna ca bufumu kabili abantu bamishobo yalekanalekana balesekelela

Abakutika kuli Lesa bakapusuka no kwingila mu calo cipya umukaba ubulungami, umushakabe ifya kutiinya, umo abantu bakaba abatemwana no kucetekalana.