Lintu Shikulu Wakwe Afwile

Nyina ukufuma ku Virginia Beach, Virginia, alembele mu kubangilila kwa uno mwaka ukuti: “Umweshi wapwile nalufishe tata mu mfwa. Wene no mwana wandi umwaume umunono pali bonse baali abapalamisha nga nshi, te mulandu ne ntamfu iyo yabapaatwile. Pa kumwishibisha ukuti shikulu wakwe alifwa, atendeke ukulila mu bulanda.

“Mu kwangufyanya nafwaile trakiti ya Lisubilo Nshi Lyabako ku Batemwikwa Abafwa? Mu kwangufyanya fye lintu nakasangile, ilyo amenso yakwe yali yacili ne filamba, natendeke ukumubelengela. Lintu napwile, alilulwikwe. Natasha ku fyebo fya musango yo ifya mutengo, ifyali ifya kubomba pa nshita ya musango yo iya kukalipwa.”

Kuti wapokelela iyi trakiti ya kusansamusha, capamo na yambi, pa kwisusha fye no kutuma akapepala.

Kuti natemwa ukupokelela trakiti wa Lisubilo Nshi Lyabako ku Batemwikwa Abafwa? (Ku nse ya Zambia, lembela ku musambo wa mu mwenu uwa Watch Tower ku fyebo. Mona ibula 2.)