Bushe Ulafuluke Nshita Lintu . . .

□ wingayumfwa uwabakwa kabili uwakwato mutelelwe mu ŋanda yobe—te mulandu ni nshita nshi iya kasuba?

□ takwakabe ukukabila kwa maloko, imipindo, indibu sha kutamfya abapupu, utupunda twa kulengelamo, impango, bamalonda, imbwa sha kulonda, ne nshila shimbi isha kucingilila?

□ wingenda mu musebo weka mu kubakwa kwapwililika, nelyo fye ubushiku?

□ imiti ikola iya kucena ne mpika shonse isha iko ishaampanako fikaba cibukisho fye ca kutali?

□ inkondo shonse shikaba nashileka, kabili ifyanso tafyakapangwe atemwa ukutulaikwa?

□ tawakakwate ukusakamikwa na kabili pa lwa kukoweshiwa kwa ca kulya, umwela, na menshi?

□ ukululunkanya, ukwikatwa kwa bankole, ne fintiinya fya mabomba fikafumishiwapo umupwilapo?

□ ubukumu bwa cifyalilwa ubwe sonde bukacingililwa, ukusungililwa, no kubomfiwa mano mano ku busuma bwa cinkumbawile?

□ ukufunuka na kaso tafyakabe na kabili e maka yakunta pa kati ka mutundu wa muntu?

□ abana bakasungilila bukaele bwabo no kuba aba mucinshi kuli bambi ne fikwatwa fyabo?

□ abanakashi tabakacitwe lumanimani no kulengwa ifinakabupalu?

□ amafunde ne fipope fikabe fya mulinganya kabili fikabomfiwa mu bulungi ku busuma bwa bonse?

□ kamfulumende ikacito kupingulapo ukwashimpwa pa kukabila kwine kwine kabili te pa mapolitiki?

□ ubuntungwa no kulingana tafyakashimikilweko fye lelo na kabili ukubeleshiwa?

□ ubupiina tabwakabeko na kabili, lelo bonse bakakwata icili conse icili icakabilwa ku butuntulu bwabo, ubusuma, ne nsansa?

□ abana bakafwaikwa no kusakamanwa kabili te kucendwa nelyo ukulekeleshiwa?

□ ubulwele ne mfwa fikaba naficimfiwa, kabili takwakabe ifinkunka fya kulengo mwenso?

□ uuli onse untu wakumanya akaba uwa cikuuku, uwa kwaafwa, kabili uwacetekelwa?

□ ubumi bwa uli onse mu cine cine bukabo bwacindikwa, kabili bonse kuti basanga insansa shibelelela?

□ ubutotelo tabwakabe na kabili maka ya kwakanikanya, ukutungulula kuli bumpelwa amano, ulupato, ne nkondo?

□ bonse bakakwata incende shalinga kabili ishisuma isha kwikalamo, kabili ukubulwa amayanda kukaba cintu capita?

Nga ca kuti wingasosa ee ku fili fyonse ifili pa mulu, uleba uwasekelela mu kubelenga ifipande fyakonkapo.