Ici Citabo Caalwile Ubumi Bwabo

Imyaka iyapitapo umwanakashi akwete ukulekana no mulume wakwe. Mu kupelako umwana wakwe umwaume Steve abele umo uwa Nte sha kwa Yehova. Steve aeseshe ukwabulo kutunguluka ukulanda kuli nyina pa lwa fisumino fyakwe. Na kabili aile ku kumona wishi, uwalefwa kuli kansa.

Mu cifulo ca kulanda ifingi, Steve mu kwanguka ashile icitabo Kuti Waikala Kuli Pe na pe muli Paradise Pe Sonde pa mbali ya busanshi bwa kwa wishi no kusoso kuti ukubelenga cene kuti camwaafwa. Wishi alibelengele icitabo kabili umwine wine atendeke ukusangwa ku kulongana kwa Nte sha kwa Yehova mu January 1988.

Pali iyi nshita, nyina kwa Steve alikwete amashuko ya mu nshita pa kukumana kwa lupwa ku kubebeta ubuntu bupya ubwalangishiwe no mulume wakwe uwa kale. Ici calimwebekeshe nga nshi ica kuti asumine ukusangwa ku kulongana kwa Nte sha kwa Yehova. Atendeke ukusangwa ku kulongana lyonse, kabili mu kwangufyanya aleikala na bo capamo no mulume wakwe uwa kale. Mu kupelako balyupene cipya cipya.

Wishi wa kwa Steve afwile mu September 1988 lelo te pa ntanshi atendeke ukwakana mu butumikishi bwa Bwina Kristu. Nyina wa kwa Steve, uwasakamene wishi mu kati ka myeshi yakwe iya kulekelesha iya bulwele bwakwe, abatishiwe mu June 1988 kabili nomba ni Nte yapimpa.

Kuti Waikala Kuli Pe na pe muli Paradise Pe Sonde citabo icipeela isubilo pa kusonta ku fyasuko fya mu Baibolo ku mpika sha bumi. Caliba cibombelo mu kwalula ubumi ubwingi. Pokelela kope pa kwisushisha no kutuma akapepala.

Kuti natemwa ukupokelela icitabo ca nkupo yakosa ica mabula 256 Kuti Waikala Kuli Pe na pe muli Paradise Pe Sonde. (Ku nse ya Zambia, lembela umusambo wa mu mwenu uwa Watch Tower ku fyebo. Mona ibula 2.)