Bushe Caliminine Yona?
BAIBOLO itwebo kuti Yona, kasesema wa kwa Yehova mu mwanda wa myaka walenga pabula B. C. E., ukufulumuka ukufuma ku kupeelwa kwa mulimo, aninine ingalaba. Mu kati ka lwendo lwa pali bemba ulwa nkuuka muli Mediterranean, abensha ingalaba bamufwintile ku nse. “Yehova aliteyanishe icisabi cikalamba ku kumina Yona, na o Yona ali mu nda ya cisabi inshiku shitatu akasuba no bushiku.”—Yona 1:3-17.
Bamo basoso kuti, ‘Te kuti cicitike! Takuli icibumbwa muli bemba icingamino muntu.’ Lelo atemwa sperm whale nelyo white shark (ifimasabi fikalamba) kuti fyamina. National Geographic (December 1992) yapeele icingacitikako na cimbi—whale shark. Icisabi cikalamba icakulisha icatala acishibwapo, kuti cakula ukufika ku mamita 20 mu butali no kufina amatani 70.
“Inshila ya miliile iishili ya lyonse iya whale shark ilalinga amalyashi ya kwa Yona. Caliba icayanguka ukuyelenganya we mwine ukuminwa mu kupumikisha mu kanwa ka whale shark, akaba akakalamba . . . Akanwa kakulisha aka whale shark umukalamba lelo uwacepako kuti mu kwanguka kaingisha baYona babili.”
Whale Shark alya ifimenwa fyacepesha ifya mu menshi ne ŋanse, “ifimininwa capamo na menshi ukupulinkana pa mukolomino ukuya mu ciyanda ca maliila icitanunuka uko e kuti mwi fumo.” Nalyo line, ni shani fintu uuli onse engafumamo? National Geographic itila: “Ba shark balikwata inshila yabulo busanso iya kufumishamo ifintu fikalamba ifyo bamina ifishingasunguluka . . . Shark kuti panono panono afumye icili mwi fumo lyakwe pa kulifutwila mu kati kabili ukulisunkilisha ukufumina mu kanwa. . . . E co, kuti wafuma uletelela pali kapeti wakupwa ne fyatelela, uwacilapo konda lelo nakalimo uwacilapo kuba na mano kufuma ku ca kukumanya.”
Ilelo ba whale shark tabasangwa mu Mediterranean, nangu cingati balisangwa akatalamukila lwa ku kapinda ka ku kuso aka New York City. Bushe e mo baali mu Mediterranean mu nshita ya kwa Yona? Nani wingeshiba? Baibolo tailungatika musango nshi uwa cibumbwa ca muli bemba Yehova abomfeshe, lelo Yesu umwine ashininkishe ukuti icalembwa ca kwa Yona ca cine.—Mateo 12:39, 40.
[Abatusuminishe Ukubomfya Icikope pe bula 32]
Norbert Wu/Peter Arnold Inc.