Bailunda Kuli Bumunyina Bwaikatana

Cali pa August 7, 1993, pa Republican Stadium mu Kiev, Ukraine. Ukucila pali 64,000 abasangilweko baletamba mu kuba no kwenekela ilyo akashita kafikile. Lyene, mu kwasuka ku fipusho fyabamo ubupilibulo fibili, amakana babilikishe abati “Da!” (“Ee!”) Muli iyi nshila, bacitile ukubilisha kwa pabuuta ukwa citetekelo cabo kabili lyene balitwalilile ukulangisha ukuipeela kwabo kuli Yehova Lesa ukupitila mu kubatishiwa muli cimo ica fishiba mutanda ifya mu cibansa.—Mateo 28:19.

Muli ifyo, pali ubu bushiku bwalenga shitatu ubwe Bungano lya Citungu ilya “Ukusambilisha kwa Bulesa” ilya pa kati ka nko ilya Nte sha kwa Yehova, ibumba lyamwene ica kucitika capulamo: 7,402 balibatishiwe kabili basangwike ulubali, te lwe calici lyayakanikana, lelo ulwa cilonganino ca Bwina Kristu ica mu kusaalala kwa calo icaikatana.

Nga mwingatemwa ukusambilila ifyafulilako pa lwa kwikatana kwa cine ukwa Bwina Kristu, twapaapaata lembeleni ku Watch Tower, Box 33459, Lusaka 10101, nelyo kuli adresi yalinga pe bula 2.