Ukukumana kwa pa Mwaka pa October 6, 2001

UKUKUMANA KWA PA MWAKA ukwa baba mu kabungwe ka Watch Tower Bible and Tract Society of Pennsylvania kukabako pa October 6, 2001, mu Ciyanda ca Kulonganinamo ica Nte sha kwa Yehova, icaba pa 2932 Kennedy Boulevard, Jersey City, New Jersey. Ukukumana kwa kubalilapo ukwa baba muli aka kabungwe beka beka ku katendeka ne nshita ya 9:15 ulucelo, e lyo pakakonka ukukumana kwa cintubwingi ukwa pa mwaka ne nshita ya 10:00 ulucelo.

Ababa muli aka kabungwe bafwile ukwishibisha Iofeshi lya kwa Kalemba ili line nga ca kuti balileka ukubomfya akeyala balebomfya umwaka wapwile pa kutila bakalata ba cishibisho aba lyonse na maformu ya kulangililapo abakasangwa ku kukumana yakatumwe kuli bene mu July.

Aya maformu, ayakatumwa ku baba muli aka kabungwe capamo ne cishibisho ca kukumana kwa pa mwaka, yafwile ukubweshiwa pa kutila yafika kwi Ofeshi lya kwa Kalemba ukukanacila pa August 1. Cila muntu uwaba muli aka kabungwe afwile ukupwishisha ukulemba no kutuma uyu formu ukwabula ukushingashinga, ukulondolola nampo nga akabako umwine ku kukumana nelyo iyo. Ifyebo filembelwe pali uyu formu fifwile ukuba ifipi kabili ifya kulungatika, pantu fikabomfiwa ukwishibilako abakasangwa kuli uku kukumana.

Tuleenekela ukuti ukukumana konse, ukusanshako no kukumana kwa kulanshanya pa fikabile funde e lyo na pa malipoti, ku kapwa ilyo 13:00 hrs ishilakumana nelyo pa numa fye yakumana. Takwakabe ukukumana kwa kasuba. Pa mulandu wa cifulo ukucepa, abakasuminishiwa fye ukwingila bantu bakwete itikiti. Takwakabe ukumfwila uyu programu pa foni.