ULWA KUSAMBILILAMO

Kuti twatendeka ukutasha no kutwalilila ukulatasha nga tuletontonkanya pa mapaalo na pa fyo Yehova atupaala. Ukulatasha kuti kwatwafwa ukukanaba bakaitemwe no kushipikisha amesho. Ilembo lya mwaka wa 2015 likalatwibukisha umwaka fye onse ukuti tufwile ukulatasha.

Cino cipande calatwafwa ukumfwikisha umulandu tufwile ukwibukishisha imfwa ya kwa Yesu. Cilelondolola ico umukate no mwangashi ifibako pa Cibukisho fimininako na pa fyo umuntu e ngeshiba nga ca kuti nalinga ukulyako ifimpashanya nelyo iyo. Na kabili cino cipande calatwafwa ukwishiba ifyo twingaipekanya ukusangwa ku Mulaalilo wa kwa Shikulu.

Abaupana balakwata amafya na mesho ayengi. Lelo, Yehova kuti abafwa ukukosha icupo no kuba ne nsansa. Icipande ca kubalilapo calalanda pa fintu fisano ifingafwa abaupana ukukosha icupo cabo ne fingabafwa ukutwalilila mu cupo. Icipande ca bubili cilelanda pa fyo abaupana bengacingilila icupo cabo.

Bushe ukutemwa kwa cine cine ukuba pa mwaume no mwanakashi ni cinshi? Bushe umwaume no mwanakashi kuti batwalilila ukutemwana? Bushe kuti balanga shani uku kutemwa? Sambilileni pa fyo Ulwimbo lwa Nyimbo lulanda pa kutemwa kwa cine cine.