Abantu abengi abo tushaishiba impendwa ukufuma mu fyalo fyonse bakapusuka inkondo ya Armagedone
Cinshi Baibolo Isambilisha?
Bushe Armagedone ni cinshi?
Abantu bamo basumina ukuti . . .
ikaba ni nkondo umo abantu bakabomfya ifyanso fya maka ku konaula isonde. Muletipo shani?
Ifyo Baibolo ilanda
Armagedone cifulo icimininako “inkondo ya bushiku bukalamba ubwa kwa Lesa Wa Maka Yonse” umo akonaula abacita ifyabipa.—Ukusokolola 16:14, 16.
Finshi fimbi ifyo tusambililako ku fyo Baibolo ilanda?
Lesa takalwe inkondo ya Armagedone pa kuti akonaule icalo, lelo akalwa iyi nkondo pa kuti akonaule abaleonaula icalo.—Ukusokolola 16:18.
Inkondo ya Armagedone ikapwisha inkondo shonse.—Amalumbo 46:8, 9.
Bushe abantu kuti bapusuka pa nkondo ya Armagedone?
Kuti mwatila?
Ee
Awe
Nalimo
Ifyo Baibolo ilanda
“Ibumba likalamba” likapusuka “ubucushi bukalamba” ubukapwa ilyo inkondo ya Armagedone ikatendeka.—Ukusokolola 7:9, 14.
Finshi fimbi ifyo tusambililako ku fyo Baibolo ilanda?
Lesa afwaya ukuti abantu abengi bakapusuke inkondo ya Armagedone. Na kabili Lesa onaula fye ababifi abashifwaya ukulapila.—Esekiele 18:32.
Baibolo yalilanda ifyo tulingile ukucita pa kuti tukapusuke inkondo ya Armagedone.—Sefania 2:3.