Finshi Fikacitika ku bantu Abafwa?

Bonse tulafwa. Nomba bushe abantu nga bafwa ninshi calaala capwa tabakabuuke? Bushe abantu nga bafwa ninshi capwa tatwakabamonepo na kabili? Bushe kwaliba isubilo lya kuti abafwa bakabuuka?

TONTONKANYENI PA FYO BAIBOLO ILANDA:

ABAFWA BAKABUUKA

‘Bonse ababa mu nshiishi . . . bakafumamo.’—Yohane 5:28, 29.

Lesa talaba abantu nga bafwa; bonse abo e bukisha akababuusha.

KUKABA UKUBUUKA PE SONDE

“Kukaba ukubuuka kwa balungama na bashalungama.”—Imilimo 24:15.

Abantu abengi bakabuuka, kabili bakalaikala mu mutende umuyayaya.

ISUBILO LYA KUTI ABAFWA BAKABUUKA LYA CINE

“[Lesa] apenda intanda; Shonse fye alashiita na mashina ya shiko.”—Amalumbo 147:4.

Apo Lesa aleta intanda shonse amashina, te kuti cimukosele ukwibukisha abantu abo akabuusha.