Ukulongana kwa Mulimo Ukwa July

ISHIBENI: Ubutumikishi Bwesu Ubwa Bufumu bukatantika Ukulongana kwa Mulimo ku mulungu umo umo mu kati ka ciputulwa ce bungano. Ifilonganino kuti pambi fyacito kuteulula nga fintu cingakabilwa ku kusuminisha ukusangwa kwi Bungano lya Citungu ilya “Akatiina ka Bukapepa” no kupitulukamo kwa maminiti 30 ukwa fishinka fikalamba ifya programu mu mulungu ukonkelepo. Ukupitulukamo kwa bushiku no bushiku ukwa programu we bungano lya citungu kulingile ukupeelwa mu kubangilila kuli bamunyina bafikapo babili nelyo batatu abakaba na maka ya kutontomesha pa fishinka fikalamba. Uku ukupitulukamo kwapekanishiwa bwino kukaafwa icilonganino ukwibukisha ifishinka fya mpikwe ku kubomfya pa lwabo ne fya kubomfya mwi bala. Ukulandapo ukufuma mwi bumba ne fya kukumanya fingashimikwa filingile ukuba ifipi kabili pa cishinka.

Umulungu wa Kutampa July 4

Ulwimbo 62

10 min: Ukubilisha kwa pa mwenu no Ukubilisha kwalinga ukufuma mu Ubutumikishi Bwesu Ubwa Bufumu. Lumbuleni imitwe ya tutabo, nga eko tuli, uto icilonganino cikwete mu stoko; koselesheni bakasabankanya ukushitako utwa kubomfya mu butumikishi. Nga ca kuti icilonganino tacikwete ututabo, tubululeni amabroshuwa ayo pambi yengabomfiwa.

17 min: “Ku Ŋanda ne Ŋanda Ukwabula Ukuleka.” Ifipusho ne fyasuko. Laalikeni ukulumbulula kwa kutasha ukufuma kuli bamo mwi bumba abakumanishiwe pa kubalilapo ukupitila mu mulimo wa ku mwinshi no mwinshi.

18 min: “Afwa Bambi Ukusambilile Cine.” Lanshanyeni ne bumba lyonse. Tantikeni bakasabankanya bakampuka ukulangilila imipeelele ibili nelyo itatu iitubulwilwe. Komaileni pa bunonshi bwa mitununukile iipi, iyayanguka.

Ulwimbo 26 ne pepo lya kusondwelela.

Umulungu wa Kutampa July 11

Ulwimbo 45

12 min: Ukubilisha kwa pa mwenu. Belengeni lipoti wa ndalama capamo no kutasha kwa misangulo ya ku Sosaite iili yonse. Peeleni ukutasha kwa misangulo. (Ukufu. 35:29) Koselesheni bakasabankanya ukulanguluka ukucita ubunte bwa mu cungulo bushiku—inshita ishaiwamina iya mulimo wa ku mwinshi no mwinshi nelyo ifipempu fya kubwelelamo.

15 min: Umukululo wa Cipusho. Ukulanshanya kwa cipusho ne casuko. Na kabili pitulukeni mu fishinka fikalamba ifya cipande “Programu wa Kulongana kwa Muputule Ukupya.” Lumbuleni inshiku sha kulongana kwa muputule ukukonkelepo nga ca kuti nashishibikwa.

18 min: “Bakomfwa Shani Ukwabula Ukubwelelako?” Lanshanyeni ne bumba lyonse. Kwateni icilangililo pa mitubululo mu maparagrafu 3 na 4. Peeleni ukulandapo kwalundwapo ukulangilila umulandu ifipempu fya kubwelelamo filingile ukucitilwa mu kuba no buyo bwa kutampa amasambililo.

Ulwimbo 63 ne pepo lya kusondwelela.

Umulungu wa Kutampa July 18

Ulwimbo 41

5 min: Ukubilisha kwa pa mwenu. Londololeni imitantikile ya mulimo wa mwi bala iya pa mpela ya mulungu, kabili koselesheni ukwakanamo mu kwananya bamagazini.

20 min: “Ibungano lya Citungu Ilya 1994 Ilya ‘Akatiina ka Bukapepa.’” Ica mu kati. Ifipusho ne fyasuko pa maparagrafu 1-11, ukubombwapo na eluda. Alwileni ukusakamana kwaibela ku “Ifya Kucinkulako fye Bungano lya Citungu.”

20 min: “Ukusanga Abalesekelela Ukupitila mu Bunte bwa mu Musebo Ubufumamo Cimo.” Kangalila wa mulimo nelyo eluda umbi uwafikapo uwaba uwafumamo cimo mu bunte bwa mu musebo alanshanya icipande na bakasabankanya babili nelyo batatu na bo bene abakwata ukubelesha mu bunte bwa mu musebo. Ukulanshanya kuti kwasanshamo ifya kukumanya fibili nelyo fitatu ifipi. Kwateni icilangililo ukulangisha imitununukile mu kuba na bamagazini ba ndakai.

Ulwimbo 33 ne pepo lya kusondwelela.

Umulungu wa Kutampa July 25

Ulwimbo 77

10 min: Ukubilisha kwa pa mwenu. Ilyashi lya Teokratiki. Kwateni icilangililo ukulangisha imipeelele ya bamagazini bafumine nomba line. Koselesheni bonse ukwakana mu kwananya bamagazini.

15 min: “Abacaice Balakabila ica Kumwenako Cisuma.” Ifipusho ne fyasuko. Ipusheni uwacaice umo nelyo babili abali fya kumwenako fisuma. Lekeni balondolole umusango wa mabuyo ya ku mupashi baimikila abene na fintu ukubombesha kwabo kwaletako amapaalo yalundwako.

20 min: “Ibungano lya Citungu Ilya 1994 Ilya ‘Akatiina ka Bukapepa.’” Ica mu kati. Ilyashi pa maparagrafu 12-25, ukubombwapo na kalemba wa cilonganino.

Ulwimbo 19 ne pepo lya kusondwelela.