Ukulongana kwa Mulimo Ukwa August

Umulungu wa Kutampa August 1

Ulwimbo 57

15 min: Ukubilisha kwa pa mwenu no Ukubilisha kwalinga ukufuma mu Ubutumikishi Bwesu Ubwa Bufumu. Langilileni ifishinka fya kulandapo muli bamagazini ba ndakai ifyo fingebekeshiwa mu mulimo wa mwi bala ino mpela ya mulungu.

15 min: “Sungilila Imibele ya Mutima Iyashininkishiwa.” Ifipusho ne fyasuko. Mu kwipifya ipusheni painiya nelyo kasabankanya wabomba pa nshita ntali uwingashimika fintu cacitikako ukusungilila imibele ya mutima iyashininkishiwa te mulandu no kukanayangwako nelyo ukukaanya mu cifulo ca kubombelamo.

15 min: “Amabroshuwa—Ifisolobelo Fyakatama Ifya mu Butumikishi.” Lanshanyeni ne bumba lyonse. Tantikeni ifilangililo fibili ifyapekanishiwa bwino pa mipeelele itubulwilwe. Langisheni yamo aya mabroshuwa ayakabomfiwa mu kati ka August. Cinkuleniko ibumba ukushitako amakope aya kubomfya mu mulimo uno mulungu.

Ulwimbo 105 ne pepo lya kusondwelela.

Umulungu wa Kutampa August 8

Ulwimbo 64

10 min: Ukubilisha kwa pa mwenu. Pitulukeni muli lipoti wa mulimo wa mwi bala uwa cilonganino uwa July.

15 min: “Ishiba Bwino Bamunonko.” Ifipusho ne fyasuko. Laalikeni ibumba ukushimika ifya kukumanya ifipi ukulangilila fintu baali na maka ya kwishibana na bambi mu kuwaminako pa kubomfya imitubululo mu paragrafu 6.

20 min: Kalemba alanshanya no mubomfi utumikila uusakamana amaakaunti ya cilonganino. Umubomfi wa ndalama aipusha kalemba fintu alebomba mu mulimo wakwe. Kalemba amutasha kabili amukoselesha ukutwalilila ukwisula utubokoshi twa misangulo no kupenda indalama mu kubapo kwa muntu walenga bubili. Alundako kuti alingile ukubelenga no kukonka mu kusakamanishisha “Amakambisho ya Kupendela Amaakaunti ya Cilonganino—S-27.” Ulubali lukalamba ulwa kulanshanya ukushimpwa pa cipande “Bushe Bupuupu Icine Cine?” mu Ulupungu lwa kwa Kalinda, April 15, 1994, amabula 19-21.

Ulwimbo 18 ne pepo lya kusondwelela.

Umulungu wa Kutampa August 15

Ulwimbo 16

5 min: Ukubilisha kwa pa mwenu, ukusanshako lipoti wa ndalama no kutasha kwa misangulo.

15 min: “Ukulundulula Ubuseko pa Fipempu fya Kubwelelamo.” Lanshanyeni ne bumba lyonse. Sanshenimo ifilangililo fibili cimo cimo icikwete amaminiti yatatu ukulangilila fintu imipeelele ingabomfiwa ku kucita ifipempu fya kubwelelamo. Koselesheni ukubombesha kwa kutampa amasambililo ya Baibolo.

25 min: “Twalilileni Ukwenda mu Kulundulukilako mu Cibelesho Calinga.” Ifipusho ne fyasuko.

Ulwimbo 22 ne pepo lya kusondwelela.

Umulungu wa Kutampa August 22

Ulwimbo 19

15 min: Ukubilisha kwa pa mwenu na “Programu Mupya uwa Bushiku bwa Kulongana Kwaibela.” Bilisheni ubushiku bwa kulongana kwaibela ukukonkelepo, nga ca kuti nabwishibikwa, kabili koselesheni bonse ukucita amapekanyo ya kusangwako.

15 min: Ni Shani Ningapalama Kuli Lesa? Icilangililo ce sambililo lya lupwa. Abafyashi balanshanya ifyebo mu cipandwa 39 ica citabo ca Ifipusho Abacaice Bepusha mu kuba na bana abapungwe. Fimbeni akamutwe “Ukubilisha Apabuuta Bucibusa Bobe na Lesa,” amabula 315-18. Abana bailishanya pa lwa kuyumfwa aba nsoni lintu baleya ukufuma ku mwinshi no mwinshi kabili balondolola ukulongana ngo kwaba ukwa kubwekeshabwekeshapo kabili ukucitwa libili libili. Abafyashi bapelulula na bene mu nshila ya cikuuku, ukulondolola ifishinte fya mu Malembo ifyo filanga ukuti iyi mibombele yalicindama nga bali no kusungilila ukwampana kusuma na Yehova.

15 min: Ukukabila kwa pa mwenu. Nelyo peeleni ilyashi pa cipande “Ukobelwa ne Mbila Nsuma” mu Ulupungu lwa kwa Kalinda, July 1, 1991, amabula 28-30.

Ulwimbo 41 ne pepo lya kusondwelela.

Umulungu wa Kutampa August 29

Ulwimbo 55

13 min: Ukubilisha kwa pa mwenu. Pitulukeni muli Lipoti wa Mulimo uwa April. Tasheni bakasabankanya pa cipimo ca pa muulu icipya icafikilwepo. Ipusheni ukulandapo pa fya kuwamyako avareji wa maawala 9.7 pali cila kasabankanya. Ipusheni kasabankanya umo nelyo babili abaali na maka ya kucita bupainiya bwa kwafwilisha nelyo mu nshila imbi ukutanununa imibombele yabo mu kati ka myeshi inono iyalekelesheko. Shimikeni ubuseko bumo ubo bakumenye.

15 min: “Bushe Kuti Wailunda Cipya Cipya ku Mitande?” Lanshanyeni ne bumba lyonse. Sanshenimo ifya kukumanya ifili fyonse ifya pa mwenu ukulangilila fintu umo aba na maka ya kwingila cipya cipya mu mulimo wa bupainiya nelyo fintu aba mu ŋanda babombela capamo ku kwaafwa icilundwa ca lupwa ukushukila ili shuko.

17 min: Tambika Icitabo ca Ikala Kuli Pe na pe mu September. Koselesha ukubombesha kwacincimuka ku kushalika ici citabo no kutampa amasambililo mu September. Cakakwilwe mu 1982 kabili ukutule lyo calibomfiwa nge cibombelo cikalamba ku kutungulula amasambililo ya Baibolo. Amakope ayakakwilwe pe bungano yakwete ubu bukombe: “Ici citabo cipya ica kusambililamo cikwetemo icikabilwa fye ku kwaafwa abantu abengi ukwakana isubilo limo line ilyo twakwata. . . . Cakwatamo icine ca Baibolo conse icacindama ico abapya bakabila ukumfwikisha pa kuti bengapeela ubumi bwabo kuli Yehova no kumubombela mu nshila yapokelelwa.” Ifya kufumamo fyalangwa mu kwingilishiwako muli bakasabankanya ukufuma pali 2,652,323 mu 1983 ukufika kuli 4,709,889 mu 1993. Laalikeni abantu umo umo ukushimika fintu basambilile icine pa kubomfya ici citabo nelyo fintu bayafwile bambi pa kusambilila cene na bene. Nga inshita yasuminisha, londololeni imbali shimbi isha citabo isho shingebekeshiwa lintu tuletambika cene.

Ulwimbo 42 ne pepo lya kusondwelela.