Ukulongana Kwa Mulimo Ukwa October
Umulungu wa Kutampa October 3
Ulwimbo 71
10 min: Ukubilisha kwa pa mwenu no Ukubilisha kwasoobolwamo ukufuma mu Ubutumikishi Bwesu Ubwa Bufumu. Cinkuleniko bonse ukwisa na kope wabo uwa broshuwa Ilyo Untu Watemwa Afwa ku Ukulongana kwa Mulimo ukwa mulungu ukonkelepo.
17 min: “Nomba E Nshita.” Ifipusho ne fyasuko. Sanshenimo ukulandapo pa kamutwe kanono akaleti “Supileni Amabuyo ya ku Mupashi” pa mabula 4 na 5 aya Ubutumikishi Bwesu Ubwa Bufumu ubwa November 1993.
18 min: “Ba Uwaibukila pa lwa Kulembesha mu October.” Lanshanyeni ne bumba lyonse. Kwateni ifilangililo fibili ifyapekanishiwa bwino ukulangilila ifya kutambika ukulembesha. Bakasabankanya balingile ukukwata utumaslipi twa kulembeseshapo mupepi lintu bali mu butumikishi bwa mwi bala.
Ulwimbo 110 ne pepo lya kusondwelela.
Umulungu wa Kutampa October 10
Ulwimbo 57
10 min: Ukubilisha kwa pa mwenu. Lipoti wa ndalama no kutasha kwa misangulo ukuli konse.
20 min: “Mwe Bafyashi—Beni Abatungilila!” Ilyashi kuli eluda ukushimpwa pa fipande fya kubalilapo fitatu muli Loleni! wa August 8, 1994. Bomfyeni ifyebo pa mwenu. Mu kwipifya ipusheni umufyashi uyo pambi akwata ukubelesha kwa kulanda na bakafundisha nelyo abalashi be sukulu. Ebekesheni fintu abafyashi bengaba aba kutungilila ku bana babo.
15 min: “Ukubomfya Broshuwa Mupya mu Kufumamo Cimo.” Lanshanyeni icipande ne bumba lyonse. Londololeni imbali sha broshuwa, kabili peeleni imitubululo ukulangisha fintu engabomfiwa mu kusansamusha abafwilwa.
Ulwimbo 95 ne pepo lya kusondwelela.
Umulungu wa Kutampa October 17
Ulwimbo 102
10 min: Ukubilisha kwa pa mwenu. Ilyashi lya Teokratiki. Bilisheni imitantikile ya mulimo wa mwi bala iya pa holide wa October 24 no Bushiku bwa Magazini ubwaibela pa October 29.
15 min: Twinenuka mu Kucite Cawama. Ilyashi kuli eluda. Ukufunshika kwa ku mupashi kuti kwacefya ubuseko bwesu no kupimpa mu mulimo wa kwa Yehova. Pitulukeni mu nshila shimo isha kupuupuutwilamo ubukose bwesu ubwa ku mupashi ukubomfya imitubululo yapeelwe mu Ulupungu lwa kwa Kalinda ulwa January 15, 1986, ibula 19 (umukululo). Ebekesheni ukutungilila kwa mutima onse ukwa mibombele ya cilonganino.
20 min: “Mu Kubamo Kutemwa Afwa Abalangisha Ubuseko.” Lanshanyeni ne bumba lyonse. Tantikeni ifilangililo fibili ukubomfya imipeelele itubulwilwe. Londololeni ubucindami bwa kusungila icalembwa ca abo balaya ukulembesha pa bushiku bwashininkishiwa.
Ulwimbo 9 ne pepo lya kusondwelela.
Umulungu wa Kutampa October 24
Ulwimbo 62
12 min: Ukubilisha kwa pa mwenu. Pitulukeni mu cipande “Tukalasambilila Icitabo ca Akalume ka Ukusokolola.” Cinkuleniko bonse ulwa bucindami bwa kubelengela amasambililo mu kubangilila no kusangwako lyonse.
15 min: Bushe Walikwata Orda wa Lyonse? Bamagazini ba Ulupungu lwa kwa Kalinda na Loleni! baba fya kwaafwa fikalamba mu kwananya ubukombe bwa Bufumu. Tulingile ukutambika bene pe shuko lya mu nshita ilili lyonse. Ubutumikishi Bwesu Ubwa Bufumu ubwa May 1984 bwatashishe ukuti kasabankanya umo na umo akwate “orda wa magazini wine wine . . . ku makope yapimwa ku lufuma lumo na lumo.” Nga te ifyo kuti pambi tulesanga ukuti tatukwete abafuma aba nomba line ku kushalika na muli fyo kuti twashintilila fye pa matrakiti nelyo amabroshuwa. Kuti caba icisuma ku cilundwa cimo na cimo ica lupwa ukukwata orda wa lyonse. Lembesheni amaorda ku uusakamana magazini. Shininkisheni ukusenda bamagazini benu cila mulungu. Lumbuleni ubunonshi ubo bufuma mu kukwata orda wa lyonse.
18 min: “Fwayeni Ubufumu bwa kwa Lesa Intanshi—Lyonse pa Kutuula Amalambo ya Kutootela.” Ifipusho ne fyasuko. Lumbuleniko amabuyo yamo aya kunonsha ayo pa lwesu twingatukutila. Lanshanyeni inshila twingabelamo na maka ya kwaafwa bambi ukucita ifyafulilako.
Ulwimbo 59 ne pepo lya kusondwelela.
Umulungu wa Kutampa October 31
Ulwimbo 57
12 min: Ukubilisha kwa pa mwenu. Mu kuba na maholide yaleisa mu December, koselesheni bonse ukutontonkanya pa lwa kulembeshako nga bapainiya ba kwafwilisha. Peeleniko imitubululo imo pa fintu twingasangako inshita yakumanina ku kubomba bwene.
15 min: Ukukabila kwa pa mwenu. Nelyo kwateni eluda ukupeela ilyashi pa cipande “Bushe Kuti Walango Kutekanya?” mu Ulupungu lwa kwa Kalinda ulwa May 15, 1994, amabula 21-3.
18 min: Tambikeni New World Translation mu November. Apantu abantu abengi kale kale balikwata Baibolo, tulekabila ukubalanga umulandu New World Translation yabela iyapulamo. Losheni ku citabo “Amalembo Yonse Yantu Yapuutwamo Kuli Lesa, Kabili ya Kunonsha” (amabula 327-8, amapara. 1-6). Londololeni umulandu ishina lya kwa Yehova lyabomfiwilwa, kabili peeleniko ifya kumwenako fimo ukulangisha ubusuma bwa kubomfesha ululimi lwa muno nshiku. Londololeni imbali sha kwaafwa ku numa ya Baibolo, pamo nga “Bible Words Indexed” (Amashiwi ya Baibolo Yasontelelwa), ishingabomfiwa ukusanga amalembo yabeleshiwa mu kwangufyanya. “Table of the Books of the Bible” (Umutande wa Mabuuku ya mu Baibolo) ulangisha uwalembele ibuuku limo na limo ne cifulo na lintu lyalembelwe, capamo ne ciputulwa ca nshita icafimbilwe. Losheni ku citabo ca Ukupelulula (ibula 63, akamutwe kanono “Ubusesemo bwa Baibolo bulondolola ubupilibulo bwa mibele ya calo”), kabili lanshanyeni fintu mwingatampa ukulanshanya kwa mu Malembo ukushimpwa pali Yohane 17:3 na Ilumbo 37:10, 11, 29. Tantikeni kasabankanya wakampuka ukulangisha fintu New World Translation ne citabo Baibolo—Cebo ca kwa Lesa Nelyo ca Muntu? fingatambikwa mu cifulo ca kubombelamo ica cikaya.
Ulwimbo 18 ne pepo lya kusondwelela.