Ukubilisha

◼ Impapulo shili no kubomfiwa mu January: Icitabo icili conse pa fya mabula 192 pa fyakonkapo ifyo icilonganino pambi cakwata mu stoko pali K50.00 cimo: Ukusala Inshila Yawamisha iya Bumi; Ukulandapo pali Kalata wa kwa Yakobo; Imbila Nsuma—Iya Kukulenga uwa Nsansa; Umupashi wa Mushilo—Maka ku Numa ya Muyano Upya Uuleisa!; Is the Bible Really the Word of God?; Bushe Ubu E Bumi Bweka Bwabako?; Life Does Have a Purpose na Our Incoming World Government—God’s Kingdom. MWIPANGA orda wa ifi fitabo ifya ciNgeleshi nelyo ifya Cibemba ukufuma ku Sosaite apantu fyalipwa. Nangu cibe fyo, Sosaite naikwatako ifinono fye ifya Umupashi wa Mushilo—Maka ku Numa ya Muyano Upya Uuleisa! mu Chichewa kabili ifi kuti mwaordako. Nga ca kuti ifilonganino tafikwete ifitabo ifili fyonse ifilumbwilwe pa muulu, kuti batambika Ukusapika Lesa Ukwa Mutundu wa Muntu. February: Kuti Waikala Kuli Pe na pe muli Paradise Pe Sonde. Ukwashalikwa ici citabo kulingile ukukonkwapo ne fipempu fya kubwelelamo, kabili kulingile ukubako ukubombesha kwa kutampa amasambililo ya Baibolo. March: Ukusokolola—Akalume ka Kuko Kakalamba Nakapalama! April na May: Ukulembesha kwa Ulupungu lwa kwa Kalinda. ISHIBENI: Ifilonganino ifishilati fipushe ifitabo fya kampeini ifilumbwilwe pa muulu filingile ukucite fyo pali Formu wa Kwipushishapo Ifitabo (S-AB-14) uwa cila mweshi uuli no kukonkapo.

◼ Ifilonganino filingile ukupanga amapekanyo yalinga ku kusefya Icibukisho uno mwaka pali Cisano, April 14, pa numa ya kuwa kwa kasuba. Ilintu cisuma ku cilonganino cimo na cimo ukukwata ukusefya kwa pa lwabo ukwa Cibukisho, ici pambi te kuti cicitike lyonse. Uko ifilonganino fyafulilako ilingi line fibomfya Iŋanda ya Bufumu imo ine, napamo icilonganino cimo nelyo ifyafulilako kuti fyafwaya icikuulwa cimbi cilya cungulo bushiku. Icibukisho tacilingile ukutendeka ubushiku nga nshi ica kuti abapya bacisanga icayafya ukusangwako. Mu kulundapo, kulingile ukubako inshita yalinga pa ntanshi na pa numa ya kusefya ku kuposha abeni, ukucita ukutantika kwa kupeela ukwaafwa kwa ku mupashi ukwatwalilila, nelyo ukuipakisha ukukoseleshanya. Pa numa ya kulanguluka fyonse mu kusakamanisha, baeluda balingile ukupingula ukutantika kuli no kubomba bwino mu kwaafwa abakasangwa ku Cibukisho ukunonkelamo mu kukumanina muli ici ica kucitika.

◼ Pa Mulungu, April 23, 1995, ilyashi lya cintubwingi ilyaibela likapeelwa mu filonganino fyonse. Umutwe wa lyashi ukaba “Impela ya Butotelo bwa Bufi Naipalama.” Shininkisheni ukulaalika abo bonse abakasangwa ku Cibukisho uno mwaka. Ukubombesha kwaibela kukacitwa ku kwaafwa amamilioni ya basambi abo musambilila na bo amasambililo ya Baibolo.

◼ Ukutampa mu February, kabili te kucila pa March 5, ilyashi lya cintubwingi ilipya ilya bakangalila ba miputule likaba “Ukusambilisha kwa Bulesa Kulacimfya mu Kusaalala kwa Calo.” Ili likaba lyashi lya fikope ukulangisha Amabungano ya pa kati ka nko ayaibela aya “Ukusambilisha kwa Bulesa” ayacitilwe mu mwaka wa mulimo uwa 1993 no wa 1994. Mu fifulo umo ifikope fishakabeko ukufikila pa numa, bakangalila ba miputule bakapeela ilyashi lya kuti “Tetekela Lesa wa Cisansamushi Conse” kabili bakatwalilila ukupeela lyene ukufikila inshita ifikope fyapokelelwa. Lintu ifilonganino fyonse fyapitwamo ne lyashi lya fikope, bakangalila ba miputule bakatwalilila ukupeele lyashi lya kuti “Tetekela Lesa wa Cisansamushi Conse” ukufikila ilyashi lya bakangalila ba miputule ilipya likatantikwe mu kubangilila kwa 1996.

◼ Mu Kulongana kwa Mulimo umulungu wa January 9, bakasabankanya bonse ababatishiwa abakasangwako bakapeelwa Advance Medical Directive/Release card na ma Identity Card aya bana babo.

◼ Kuti twatemwa ukucinkulako ifilonganino fyonse na kabili ukuti bamagazini ne fitabo tafilingile ukupeelwa pa nkongole kuli bakasabankanya na bapainiya. Bonse balefwaikwa ukushita pali kaboko nshinkaanya kabili ukulembesha kwa umo umo pa lwakwe kulingile ukutumwa ukupitila mu cilonganino. Muli iyi nshila musungilila amaakaunti yenu ayasuma na Sosaite. Nga ca kuti mwalikwata imisha ya ku numa, mulingile ukubombesha ukupoka yene ukupitila mu kucinkulako abo bakwate misha ku cilonganino mu cikuuku ukuti bengabwesha.

◼ Ifilonganino fimo ficili filetuma indalama ukupitila muli mail transfer ukufuma ku Standard Bank ukuya ku Watch Tower Society’s Account ku Barclays Bank. Tatulekoseleshe ci. Twapaapaata ishibeni ukuti: Lintu muletuma indalama ukupitila muli Standard Chartered Bank Zambia Limited, mulingile ukushituma ku Watch Tower Society’s Account # 01 0 51 61189 00 1, ku Standard Chartered Bank, North End Branch. Nangu cibe fyo, nga ca kuti mwatumina indalama ukupitila mu Barclays Bank, lyene langilileni Watch Tower Society’s Account # 7322409 ku Barclays Bank, Mutaba House, Lusaka. Formu wenu uwa S-AB-20 nalyo line alingile ukwendela pamo no ko kutuma. Lyonse shininkisheni ukufitumina capamo, te kutuma pale pale.

◼ Twapaapaata shininkisheni ukuti mwatuma amaslipi ya kulembesha capamo na M-203. Nga te ifyo te kuti kubombelwepo. Ibukisheni na kabili ukuti kuli bapainiya ukulembesha kwa pa mwaka te K2,500.00 lelo ni K3,500.00. Kabili pa myeshi mutanda ni K1,750.00 kabili te K1,250.00.

◼ Impapulo Shilipo:

Chichewa: Kuti Waikala Kuli Pe na pe muli Paradise Pe Sonde (icinono).