Ukubilisha

◼ Ulupapulo lukabomfiwa mu January: Tambikeni icitabo ca Ubumi bwa Lupwa muli kampeni waibela. Icitabo cimbi icingatambikwa kuti caba icili conse ica mabula 192 ico icilonganino cikwete. February: Icitabo ca Ubumi bwa Lupwa muli kampeni waibela. Ifilonganino ifishikwete ifi fitabo kuti batambika icitabo ca Ukusokolola—Akalume ka Kuko Kakalamba Nakapalama. March: Ukwishiba Uko Kutungulula ku Mweo wa Muyayaya. April: Ukulembesha Ulupungu lwa kwa Kalinda. ISHIBENI: Ifilonganino ifishilati fiorde impapulo sha kampeni ishilumbwilwe pa muulu filingile ukucite fyo pali formu wa Literature Request (S-AB-14) uwa cila mweshi uuli no kukonkapo.

◼ Ifilonganino filingile ukupanga amapekanyo yalinga ku kusefya Icibukisho uno mwaka pali Cibili, April 2, pa numa ya kuwa kwa kasuba. Ilintu cisuma ku cilonganino cimo na cimo ukukwata ukusefya kwa pa lwabo ukwa Cibukisho, ici pambi te kuti cicitike lyonse. Uko ifilonganino fyafulilako ilingi line fibomfya Iŋanda ya Bufumu imo ine, napamo icilonganino cimo nelyo ifyafulilako kuti fyafwaya icikuulwa cimbi ica kubomfya cilya cungulo bushiku. Icibukisho tacilingile ukutendeka ubushiku sana ica kuti abapya bacisanga ukuba icayafya ukusangwako. Mu kulundapo, kulingile ukubako inshita yalinga pa ntanshi na pa numa ya kusefya ku kuposha abeni, ukutantika ukuti ukwaafwa kwa ku mupashi kwingatwalilila ukupeelwa, nelyo ukuipakisha ukukoseleshanya. Pa numa ya kulanguluka fyonse mu kusakamanisha, baeluda balingile ukupingulapo ukutantika kuli no kubomba bwino mu kwaafwa abakasangwa ku Cibukisho ukunonkelamo mu kukumanina muli ici ca kucitika.

◼ Ilyashi lya cintubwingi ilyaibela ilya ciputulwa ca mwaka ica Cibukisho ca 1996 likapeelwa pa Mulungu, April 21. Umutwe wa lyashi ukaba “Ababula Akalema mu Kati ka Nkulo Iyapondama.” Autulaini ali no kupayanishiwa. Ifilonganino ifikalatandalilwa na kangalila wa muputule, ukulongana kwa muputule, nelyo ubushiku bwa kulongana kwaibela ilya mpela ya mulungu bakakwata ilyashi lyaibela umulungu ukonkelepo. Takuli icilonganino icifwile ukukwata ilyashi lyaibela pa ntanshi ya April 21.

◼ Ukutendeka mu February, no kufika pa March 3, ilyashi lya cintubwingi ilipya ilya bakangalila ba miputule likalati “Icilonganino ca Bucishinka pe Samba lya Butungulushi bwa kwa Kristu.”

◼ Ulupungu lwa kwa Kalinda ululefumina pamo pene ne ciNgeleshi ululefuma fye limo pa mweshi lukalasabankanishiwa mu ciTonga ne ciLubale ukutendeka na magazini wa January 1, 1996.

◼ Umusangulo wa katabo ka mu 1996 aka Ukubebeta Amalembo Cila Bushiku ukaba fye cimo cine kuli bonse bapainiya na bakasabankanya. Twapaapaata teululeni ici pa mutande wenu uwa mitengo.

◼ Ifilonganino fyonse ifikwete amatrakiti ya Imbila ya Bufumu No. 34 filingile ukubomfya yene mu mulimo wabo uwa mwi bala uwa lyonse pamo pene fye nga fintu babomfya Amatrakiti 13-16 na 19-22. Tucili natukwatako yamo kuno Musambo na muli fyo kuti mwaorda yene nga fintu fye muorda amatrakiti ya lyonse. Ayo tukwete yali muli ishi ndimi: Cikaonde, Icibemba, Icichewa, iciLozi, iciLubale, iciLunda, na mu ciTumbuka; kabili umutengo ucili pali K8.00 pali trakiti umo.

◼ Bakapilibula balekabilwa. Sosaite ilefwaya bwangu bwangu bamunyina na bankashi abengapilibula ukufuma mu ciNgeleshi ukutwala mu ciLubale ne ciTonga. Nga ca kuti uli uwasekelela muli uyu musango wa mulimo kabili wakumanisha ififwaikwa fitantikwe pe samba, twapaapaata lembela ku Translation Department, Watch Tower Society, Box 33459, Lusaka 10101.

Ififwaikwa:

Abakwete imyaka ya bukulu pa kati ka 19 na 35.

Abashimbe.

Apo babatishiwilwe pafwile ukupita ukucila pa mwaka umo.

Abalefwaya ukulabomba pa Bethel.

◼ Impapulo Ishilipo:

“Amalembo Yonse Yantu Yapuutwamo Kuli Lesa, Kabili ya Kunonsha—Icibemba, IciNgeleshi

Ukusokolola—Akalume ka Kuko Kakalamba Nakapalama—Icibemba, IciNgeleshi

Abaikatana mu Kupepa Lesa Umo Eka Uwa Cine—Icibemba, Icichewa, ciLozi

◼ Impapulo Ishishakatale Ashibako:

Kuti Waikala Kuli Pe na pe muli Paradise Pe Sonde (icinono ne cikalamba)—mu ndimi shonse