Ilyashi lya Teokrasi

Angola: Icipimo icipya ica pa muulu ica bakasabankanya ica 26,129 califikilwepo ku kupwa kwa mwaka wa mulimo. Kwaliko na kabili icipimo ca pa muulu ica bapainiya ba nshita yonse ica 1,309. Pali avareji bakasabankanya babombele amaawala 15 no kutungulula amasambililo ya Baibolo yabili mu August.

Zambia: Pa Cibelushi pa November 25, 1995, Amayanda ya Bufumu yabili ayalundwapo yalipeelwe, ukulenga impendwa yonse mu 1995 ukuba yatatu. Iŋanda ya Bufumu iya ku Lusaka Chilenje South yapeelwe no mwiminishi we Bumba Litungulula uwalebombela Umusambo wa mu Zambia. Ii Ŋanda ya Bufumu yakuulilwe mu myeshi fye itatu. Pa nshita imo ine, Kampanya wa Komiti wa Musambo uwa mu South Africa apeele Iŋanda ya Bufumu iya ku Lusaka Addis Ababa Drive, iibomfiwa ne filonganino fine. Bakalanda bakomaile pa kuti Amayanda ya Bufumu yaba e fifulo fyacindamisha mu ncende, kabili yalingile ukusungwa nga fintu fye amaofesi ya misambo aya Sosaite yasungwa. Ilintu icikuulwa caliba icacindama, caba kupepa ne myendele ya bantu ababomfya icikuulwa e fyacilanapo kucindama. Bushe Iŋanda ya Bufumu yenu yalipeelwa? Bombeni ukulola kuli ubo buyo.