Ukubilisha

◼ Ulupapulo lwa kutambika mu February: Icitabo ca Ubumi bwa Lupwa muli kampeni waibela. Ifilonganino ifishikwete ifyo fitabo kuti fyatambika icitabo ca Ukusokolola—Akalume ka Kuko Kakalamba Nakapalama! March: Ukwishiba Uko Kutungulula ku Mweo wa Muyayaya. April na May: Ukulembesha Ulupungu lwa kwa Kalinda. ISHIBENI: Ifilonganino ifishilati fiorde impapulo sha kampeni ishilumbwilwe pa muulu filingile ukuorda ukubomfya formu wa Literature Request (S-AB-14) uwa cila mweshi uuli no kukonkapo.

◼ Kalemba na kangalila wa mulimo balingile ukupituluka mu mibombele ya bapainiya ba nshita yonse bonse. Nga ca kuti abali bonse balekwata ubwafya bwa kufika pa maawala yafwaikwa, baeluda balingile ukutantika ukubafwilisha. Pitulukeni mu fishinka mu maparagrafu 12-20 aya ca mu kati ca Ubutumikishi Bwesu Ubwa Bufumu ubwa October 1986.

◼ Ukusefya Icibukisho kukabako pali Cibili, April 2, 1996. Nangu cingati ilyashi kuti pambi lyatendeka mu kubangililako, twapaapaata ibukisheni ukuti ukupishamo umukate wa Cibukisho na waini takulingile ukutendeka ukufika pa numa ya kuwa kwa kasuba. Ipusheni abengeshiba lintu akasuba kawa mu ncende yenu. Takwakabe ukulongana kano fye ukukumana kwa mulimo wa mwi bala e kulingile ukubako pali ubo bushiku. Nga ca kuti icilonganino cenu cikwata ukulongana pali Cibili, kuti cawama ukutwala uku kulongana pa bushiku bumbi ubwa mulungu nga ca kuti Iŋanda ya Bufumu tailebomfiwa.

◼ Bakasabankanya abengatemwa ukubomba nga bapainiya ba kwafwilisha mu March, April, na May kuti batantika nomba no kubwesha formu wabo uwa kwipushishapo mu kwangufyanya. Ici cikaafwa baeluda ukutantika ifili no kukabilwa mu mulimo wa mwi bala no kupekanya bamagazini bakumanina ne mpapulo shimbi.

◼ Impapulo Shilipo:

Ukwishiba Uko Kutungulula ku Mweo wa Muyayaya.—Icibemba, IciFrenci

Ifipusho Abacaice Bepusha—Ifyasuko Fibomba,—Icichewa, IciNgeleshi

◼ Amakaseti ya Vidio Ayapya Ayalipo:

To the Ends of the Earth (Imyaka 50 iye Sukulu lya Gileadi)—IciNgeleshi