Ukulongana kwa Mulimo Ukwa March
Umulungu wa Kutampa March 4
10 min: Ukubilisha kwa pa mwenu. Ukubilisha kwasoobolwamo mu Ubutumikishi Bwesu Ubwa Bufumu. Ilyashi lya Teokrasi.
15 min: “Cindikeni Yehova ‘Inshiku Shonse.’” Ifipusho ne fyasuko. Belengeni amaparagrafu 2-5, nga inshita ilesuminisha. Koselesheni umulimo wa bupainiya bwa kwafwilisha no bwa nshita yonse mu nshila ya kukuulilila.
20 min: “Ukwishiba Lesa wa Cine Kutungulula ku Mweo.” Pitulukeni mu mipeelele itubulwilwe. Kwateni icilangililo cimo nelyo fibili.
Ulwimbo 78 ne pepo lya kusondwelela.
Umulungu wa Kutampa March 11
Ulwimbo 164
10 min: Ukubilisha kwa pa mwenu. Lipoti wa ndalama.
20 min: “Nonkelamo mu Isukulu lya Butumikishi bwa Teokrasi Ilya 1996—Ulubali 3.” Ilyashi kuli kangalila we sukulu. Koselesha bonse abengalembesha mwi sukulu ukulembesha kabili muli bucishinka ukufikilisha amalyashi yabo.
15 min: “Ibungano lya Citungu Ilya Nte sha kwa Yehova Ilya ‘Inkombe sha Mutende wa Bukapepa’ Ilya 1996.” Ukulanshanya kwa fipusho ne fyasuko kuli kalemba.
Ulwimbo 211 ne pepo lya kusondwelela.
Umulungu wa Kutampa March 18
10 min: Ukubilisha kwa pa mwenu. Abo batungulula amasambililo balingile ukukoselesha abapya abo abalelunduluka bwino mwi sambililo lyabo ilya Baibolo ukutinamina ukuba bakasabankanya bashabatishiwa. Abafyashi na bo kuti bayafwa abana babo ukuba bakasabankanya. Pitulukeni mu nshila yatashiwa iyalondololwa mu citabo ca Abateyanishiwa ku Kupwilikisha Ubutumikishi Bwesu, amabula 97-100.
15 min: Pitulukeni mu fishinka fikalamba ifya 1996 Yearbook of Jehovah’s Witnesses. Ulupwa lwalanshanya imbali shimo isha buseko pa lwa mibombele yesu iya mwi sonde lyonse iyalondololwa pa mabula 3-5 na 33. Basuminishanya ukuti cila bushiku bakalaesha ukubelenga amabula yanono aya Yearbook capamo pa numa balanshanya ilembo lya bushiku mu katabo ka Ukubebeta Amalembo Cila Bushiku.
20 min: “Afwa Bambi Ukunonka Ukwishiba Uko Kutungulula ku Mweo.” Pitulukeni mu mipeelele itubulwilwe iya kubomfya mu fipempu fya kubwelelamo. Sanshenimo icilangililo cimo nelyo fibili. Komaileni pa buyo bwa kutendeka amasambililo.
Ulwimbo 130 ne pepo lya kusondwelela.
Umulungu wa Kutampa March 25
15 min: Ukubilisha kwa pa mwenu. Pitulukeni mu “Ifya Kucinkulako pa lwa Cibukisho.” Londololeni umulandu cabela icacindama ukusangwako. (Moneni Ulupungu lwa kwa Kalinda ulwa February 15, 1985, amabula 18-20.) Pitulukeni mu mapekanyo ya kwaafwa abakoloci, abalwele, na bapya ukusangwako. Lanshanyeni imitantikile ya mibombele ya mulimo wa mwi bala iyatanununwa muli uyu mulungu uleisa. Na kabili pitulukeni mu cipande cileti, “Uko Icileela Cilangwa ku Beni,” pe bula 32 ilya Awake! wa September 22, 1995.
15 min: Umukululo wa Fipusho. Ilyashi kuli eluda. Landa pa milandu itucincisha ukuba aba bukapekape, nga fintu calondololwa mu Ulupungu lwa kwa Kalinda ulwa January 15, 1992, amabula 16-17.
15 min: “Ukupekanya—E Makii ku Kutunguluka.” Ifipusho ne fyasuko. Lumbuleni ukuti tukalatambika ukulembesha Ulupungu lwa kwa Kalinda na bamagazini umo umo mu April na May. Pekanyeni nomba pa kupokako akapepala ka kulembapo no kupekanya ukwafwilisha imitantikile ya cilonganino iya mibombele ya magazini. Komaileni pa cishinka ca kuti imyeshi ya April na May ilingile ukubomfiwa mu kufishapo kuli kampeni wa bamagazini.
Ulwimbo 7 ne pepo lya kusondwelela.