Kuti Mwatwaafwa

Mu ncende umwa kuti ifilonganino fyaba mupepi na mabanki, cili icayanguka ku filonganino ukutuma indalama ku Sosaite cila mweshi. Nga ca kuti mwaba mu ncende ya musango yo, kuti twatasha nga nshi nga ca kuti mwingatwafwaako pa kutuma indalama shenu ku Sosaite ukubomfya mail transfer nga fintu ifilonganino fimo filecita. Amanambala ya maakaunti aya Watch Tower Society ni aya: (1) Barclays Bank Zambia Limited, Account No. 7322409, Mutaba House. (2) Standard Chartered Bank Zambia Limited, Account No. 01 0 51 61189 00 1, North End Branch, Lusaka. Nangu cibe fyo, pa kwafwaako ifilonganino fyafulilako, Sosaite yalisula akaunti na umbi umo mwingatumina indalama ukubomfya mail transfer. Uyu akaunti umbi wa ku Finance Bank Zambia Limited. Twapaapaata londololeni ku banki ukuti ishi ndalama sha kuteyanya kwa fya mapepo pa kuti ibanki talimulipilishe indalama ishili shonse isha kutuminapo. Nga ca kuti mwabomfya Finance Bank ifyebo ni fi: Watch Tower Society, Finance Bank Zambia Limited, Lusaka Corporate Branch, Account No. 0001582755000. Lelo nga ca kuti takwaba Barclays Bank, Standard Chartered Bank, nelyo Finance Bank mu ncende yenu kuti mwafwaya ukwisula current account mwi banki ilili lyonse ilyabako no kutuma indalama ukubomfya ceke. Nelyo, kuti mwabomfya Post Office iikafwaya ukuti mulundepo indalama shimo nge sha kutumina. Ukukuma kuli abo abapalamina ne mpito ya cimbayambaya ca Sosaite kuti batwalilila ukubomfya imitantikile ya kutuma ukubomfya icimbayambaya.

Lintu mwatuma S-AB-20 pamo ne ndalama, mufwile ukwenekela Sosaite ukumufumishako indalama shintu mwatuma pali sitetimenti. Nga ca kuti tashifumishiweko, mulingile ukwipusha ku Sosaite. Ifilonganino fimo taficeeceeta amasitetimenti yabo mu kukumanina. E ico, balipusha pa lwa ndalama isho kale kale shafumishiwako pa masitetimenti yabo. Kuti mwatwaafwa, pa kubebeta sitetimenti wenu ilyo mushilalembela Sosaite.

Mu kulekelesha, kuti mwatwaafwa pa kukanalembela Sosaite bakalata abatali. Bakalata balingile ukuba aba kulungatika kabili abafika fye pa cishinka. Balingile ukulondolola ifishinka fyonse mu kulengama lelo mu kwipifya.—Moneni amaparagrafu 3-6 aye Isambililo 17 “Ifya Kulemba Makalata” mu Citabo ca Kutungulule Sukulu.

Lintu ifilonganino fyakonka iyi mitubululo ukufika apo fingapesha, fili no kwaafwa iofesi lya musambo ukubombela pa maakaunti ya filonganino mu kufumamo cimo.