Ukupitulukamo kwa Kulemba Ukwe Sukulu lya Butumikishi bwa Teokratiki

Ukupitulukamo pa fitabo fyaisalwa pa fyebo fyafimbilwe mu kupeelwe mbali kwe Sukulu lya Butumikishi bwa Teokrasi ukwa milungu ya January 1 ukufika ku April 22, 1996. Bomfyeni ipepala lya pa mbali ku kulembapo ifyasuko ku fipusho fyafulilako ukufika pantu mwingapesha mu nshita ipeelwe.

[Ishibeni: Mu kati ka kupitulukamo kwa kulemba, ni Baibolo fye ingabomfiwa ku kwasuka icipusho icili conse. Ifya kuloshako ifikonkele pa fipusho fya kusapika kwa pa lwenu. Amanambala ye bula na paragrafu te kuti pambi yamoneke pa fya kuloshako fyonse ku Ulupungu lwa kwa Kalinda.]

Asukeni ubulondoloshi bwakonkapo bumo bumo Cine nelyo Bufi:

1. Cikulu fye Umwina Kristu ayumfwa ukuti alecita icalungama, ukupingulapo kwakwe kukaba fye bwino. (Amapi. 14:12) [3, uw-CW ibu. 8 para. 8(2)]

2. Icisambilisho ca Bulesa Butatu catuntwike kuli Kristendomu. [11, uw-CW ibu. 15, para. 8]

3. Nangu cingati Ifunde lya kwa Mose lyalipwile, Baibolo tailangilila ukuti Amafunde Ikumi yalisanshiwemo mu fyalekele ukubomba. [15, rs-CW ibu. 202 para. 1]

4. Mu nshita ya kwa Nehemia shimapepo mukalamba Eliashibu apangile iŋanda ya kuliilamo mu lubansa lwe tempele iya kubomfya Tobia, umo uwa balwani ba kwa Lesa. [1, si-CW ibu. 90 para. 14]

5. Umupashi wa bucaibela watuntwike kuli Efa.

6. Icipingo calumbulwa pali Yeremia 31:31, 33 cilosha ku cipingo ca Bufumu ico Yesu apanga na bakonshi bakwe abasubwa. [5, Ukubelenga Baibolo ukwa mulungu no mulungu]—Moneni si-CW ibu. 129 para. 38.

7. Pa numa Yesu abuushiwe, amoneke mu mibili yalekanalekana—lelo amoneke fye ku basambi bakwe. [1, rs-CW ibu. 298 para. 3]

8. Abena Kristu ba cine bengila mu kutuusha mwa kwa Lesa pa kubeleshe citetekelo mwi lambo lya kwa Kristu no kutaluka ku milimo iyo bailungamikilapo. (Heb. 4:10) [17, rs-CW ibu. 204 para. 1]

9. Ubulondoloshi bwa pa Ukusokolola 20:5, pa lwa “bafwa abashelepo” ukuba no mweo, bulosha ku kubuushiwa kwa pe sonde ukwa mpaanga shimbi. [6, rs-CW ibu. 302 para. 4–ibu. 303 para. 3]

10. Lintu Yesu ayaswike icipusho pa lwe funde lyali ilikulu ilya mu Malango, taloseshe kwi funde ilili lyonse ilyaba mu Mafunde Ikumi. (Mat. 22:35-40) [14, rs-CW ibu. 201 para. 3]

Asukeni ifipusho fyakonkapo:

11. Apantu ukutemwa kukalamba ukwa kwa Yehova e kwamukuntile ukutuma Umwana wakwe ukwisatufwila, cinshi cintu ukutemwa Lesa kulingile ukutukunta ukucita? (2 Kor. 5:14, 15) [8, uw-CW ibu. 14 para. 6]

12. Bushe ilumbo cinshi? [9, si-CW ibu. 101 para. 2]

13. Fipusho nshi fibili ifyaba mwi buuku lya kwa Yobo? [4, si-CW ibu. 95 para. 1]

14. Ni numbwilo nshi iyabomfiwa mu kubwekeshabwekeshapo ukukuma kuli Esekiele na Yesu Kristu? [16, si-CW ibu. 133 para. 2]

15. Mulandu nshi cabelamo ukupelulula ukusumina ukuti abo abakabuushiwa pe sonde bakapingulwa ukulingana ne micitile yabo iya ku nshita ya ku ntanshi? (Rom. 6:7) [5, rs-CW ibu. 302 para. 3]

16. Fya kusangwilako nshi fikalamba fine ifilenga ukwikatana uko abantu ba kwa Yehova baipakisha ilelo? [3, 5, uw-CW amabu. 8-9 amapara. 8, 9]

17. Mulandu nshi mu kulungama twingasosela ukuti ifya kucitika fyakuma ku kubapo kwa kwa Kristu fibako pa ciputulwa ca myaka? (Mat. 24:37-39) [8, rs-CW ibu. 305 para. 2]

18. Ukulunda pa mibele yapulamo iya kwa Yehova iya kutemwa, ubulungi, amano, na maka, cinshi twingasambilila ku buntu bwakwe ubwa kucebusha pa Ukufuma 34:6, Ilumbo 86:5, na Imilimo 10:34, 35? [7, uw-CW ibu. 13 para. 3]

19. Londolola ukwatuntwike umutebeto wa ‘Puri, e kuti, ica kupendwilako’ ico abaYuda batwalilila ukusefya ukufika na ndakai. (Estere 9:24) [3, si-CW ibu. 94 para. 15]

20. Mulandu nshi Abena Kristu bashakakililwako ukubaka ubushiku bwe Sabata ubwa cila mulungu? (Rom. 10:4) [12, rs-CW ibu. 199 amapara. 1, 2]

Payanyeni ishiwi nelyo amashiwi yalekabilwa ku kupwishishisha ubulondoloshi bwakonkapo bumo bumo:

21. Ebede-meleke aiminineko ․․․․․․․․ abakabakwa pa ․․․․․․․․ pa mulandu wa kuti bali fibusa fya ․․․․․․․․ ba bamunyina ba kwa Kristu kabili balibafwilishe. [9, Ukubelenga Baibolo ukwa mulungu no mulungu; moneni w83-CW 4/1 ibu. 28 para. 11.]

22. Ibuuku lya Baibolo ilya ․․․․․․․․ lilumbula ubulanda bwacilamo pa kucandilwa, ukucilimwa, no konaulwa kwa Yerusalemu kuli Nebukadnesari [1, Ukubelenga Baibolo ukwa mulungu no mulungu; moneni si-CW ibu. 131 para. 7]

23. Ifya kuponako fyalondololwa pali Yeremia 52:5-11 fyacitike mu ․․․․․․․․ B.C.E. [13, Ukubelenga Baibolo ukwa mulungu no mulungu; moneni w88-CW 4/1 ibu. 14 para. 18.]

24. Lintu ilembo lya Ukusokolola 1:7 lilondolola ukuti pa numa Kristu abwela “ilinso lyonse likamumona,” talilosha ku kumona ․․․․․․․․ lelo ․․․․․․․․ kwa muntontonkanya. [10, rs-CW ibu. 307 para. 3]

25. Pa numa Yesu abuushiwe, talemoneka mu ․․․․․․․․ umo wine, nakalimo pa kushinina abasambi bakwe ukuti pali iyo nshita aali ․․․․․․․․ na muli ifyo ․․․․․․․․ apo pene nangu fye ni ku fibusa fyakwe ifyapalamisha. [2, rs-CW ibu. 299 para. 2]

Saleni icasuko calungama mu bulondoloshi bwakonkapo bumo bumo:

26. Baibolo yaba Cebo ca kwa Lesa pa mulandu wa kuti (bakapilibula e fintu baitile; abantu baipeelesha ku fya mapepo e bailembele; mu kupimpa Lesa atungulwile abalelemba Baibolo). [10, uw-CW ibu. 20 para. 2]

27. Nga wabelenga fye amabula ya Baibolo (limo; yabili; yane) cila bushiku, kuti wapwisha ukubelenga Baibolo mupepi (ne myeshi 6; ne myeshi 9; no mwaka umo). [11, uw-CW ibu. 24 para. 9]

28. Ukuilama mu mibele takwapwilile capamo na Mafunde ya kwa Mose, ayasanshishemo Amafunde Ikumi, pantu mu mitantikile ya Bwina Kristu, (ubwikashi bumo bumo bwali no kuimikila imitantikile ya fipimo fya mibele ubwine; abantu baali no kutungululwa fye na kampingu wabo; ifipimo fya mibele ifingi ifya Mafunde Ikumi fyalilondolwelwe cipya cipya mu Malembo ya Bwina Kristu aya ciGriki). [16, rs-CW ibu. 202 para. 3]

29. Yehova ‘alibepele’ Yeremia mu kuti (Amubepele ukuti ashimikile ubukombe bwa kukanda; Amubomfeshe mu kupwishishisha cintu ashali na maka ya kucita ku maka yakwe; Taleteleko ubonaushi buntu Yeremia asobele). (Yer. 20:7) [3, Ukubelenga Baibolo ukwa mulungu no mulungu; moneni w89-CW 5/1 ibu. 31.]

30. Inumbwilo ya kuti ‘inshishi sha cibukisho,’ iisangwa pali Yohane 5:28, NW, ilosha (ku nshishi imo imo; ku nshishi ya cinkumbawile iya mutundu wa muntu; kuli Lesa ukwibukisha umuntu uwafwa). [7, rs-CW ibu. 303 para. 3]

Linganyeni amalembo yakonkapo ku bulondoloshi butantikwe pe samba: Amapi. 3:5, 6; Yer. 23:33; 32:9, 10; Yosh. 7:24; Ukus. 15:3, 4

31. Icishinte ca kwikatana kwa cine cine ukwa kupepa caba kwishiba Yehova no kwikala mu kumfwana ne nshila shakwe ishalungama. [1, uw-CW ibu. 5 para. 1]

32. Inshila yesu yonse iya bumi—te mulandu no ko tuli, te mulandu ne co tulecita—ifwile ukupeela ubushininkisho bwa kuti ukutontonkanya kwesu ne nkuntu fyabeleshanya na Lesa. [4, uw-CW ibu. 10 para. 11]

33. Ukukanaumfwila Yehova kabili ku mufulo ukufisa ifilubo fyesu ifyakulisha kuti kwalenga ifya kufumamo fyabipisha kabili ifya konaula. [3, uw-CW ibu. 8 para. 8]

34. Ubukombe bwakosa ubwa busesemo ukufuma mu Cebo ca kwa Lesa bwakwata ubupilibulo bwaluma ubwe shamo, ububilisha ubonaushi busungamine ubwa Kristendomu. [4, Ukubelenga Baibolo ukwa mulungu no mulungu; moneni w94-CW 3/1 ibu. 12 amapara. 18, 20.]

35. Lintu muletendeka ifya makwebo na bakapepa banenu aba kwa Yehova, ukusuminishanya kwalembwa kuti kwacilikila ukukanaumfwana ukwingesako pa numa. [7, Ukubelenga Baibolo ukwa mulungu no mulungu; moneni w95-CW 5/1 ibu. 30.]