Ukubilisha

◼ Ulupapulo lwa kutambika mu April na May: Ukulembesha Ulupungu lwa kwa Kalinda. June: Ukwishiba Uko Kutungulula ku Mweo wa Muyayaya. July na August: Amabroshuwa ayali yonse aya mabula 32 ayakonkapo: Bushe Lesa mu Cituntulu Alatusakamana?, Bushe Ulingile Ukusumina Muli Bulesa Butatu?, Cinshi Caba Imifwaile ya Bumi—Ni Shani Fintu Wingaisanga?, Ipakishe Ubumi pe Sonde Kuli Pe na Pe!, Kamfulumende Iikaleta Paradise, Ilyo Untu Watemwa Afwa, na “Moneni! Ifintu Fyonse Nafilenge Fipya.” Uko cili icalinga, amabroshuwa pamo nga Imipashi ya Bafwa—Bushe Kuti Yakwaafwa Nelyo Ukukucena? Bushe mu Cituntulu Eko Yaba?, Our Problems—Who Will Help Us Solve Them?, na Will There Ever Be a World Without War? kuti yatambikwa.

◼ Uko cingabomba baeluda balingile ukutantikila icilonganino ukupoosa inshita yakulilako mu bunte bwa cungulo bushiku.

◼ Kuli bakangalila ba kutangilila: Tulemwipusha ukutuma ifya kukumanya fyapulamo ifili fyonse ifyo icilonganino cenu cakwata mu mwaka, ukusanshako ne fya kukumanya pa lwa mulimo wa bupainiya bwa kwafwilisha no bushiku bwa magazini ubwaibela mu April 1996. Tulefwaya ukusalamo ifyawamisha ukufuma mwi bala lyesu ifya muli lipoti wa pa mwaka. Twapaapaata tumeni ifi ukukanacila umweshi ukonkelepo, May 1996. Twapaapaata ibukisheni ukutupayanishisha ifyebo pa lwa nampo nga umuntu aletuma ifya kukumanya ni painiya wa nshita yonse kabili ali ne mibele isuma mu cilonganino, ishina lyakwe ne shina lya cilonganino alebishanya na co. Inshiku sha ca kukumanya, amashina ya fifulo na bantu balumbwilwe mu ca kukumanya, capamo ne shina lya kwa kangalila wa kutangilila na fyo fine filingile ukulembwa fyonse.

◼ Kuliko ukuteulula ukulecitwa mu nshila ya kupyanikapo amakardi ya Pioneer Service Identification. Ukufuma ino nshita ukuya ku ntanshi, amakardi ya kupyanikapo aya bapainiya abakuuka, abayalula ishina lyabo, abalufya kardi wabo, nelyo abaleipusha ukupeelwa umulimo umbi yakapayanishiwa na Sosaite. Amakardi ayali yonse ayashalembwapo ayo kalemba engakwata mu faelo yalingile ukonaulwa. Ukwalula amashina no kupeelwa imilimo ipya fikabombwapo mu nshila ya lyonse, mu kuba na kalemba ukulemba ifyebo fyalinga ku numa ya Lipoti wa Cilonganino (S-1) uwa mweshi. Pa numa ya ico, Sosaite ikatuma amakardi ya bapainiya ayapya ku cilonganino. Ifyebo ifili fyonse ifyayalulwa filingile ukutumwa ku Sosaite mu kwangufyanya pa kuti amafaelo yesu yakwata ifyebo fyalungama kabili ifya ndakai. Na kabili, lintu painiya aleka umulimo nelyo afuutwa, formu wa S-206 alingile ukulembwa no kutumwa ku Sosaite ukwabula ukushingashinga.

◼ Ifipusho fyonse ifikumine ku nshiku ne fifulo fya mabungano ya citungu mu fyalo fimbi filingile ukulungatikwa ku maofesi ya musambo aya muli ifyo fyalo. Amaadresi ya maofesi ya musambo ukushinguluke calo yasangwa pe bula lya kulekelesha ilya Yearbook.

◼ Bamagazini ba Ulupungu lwa kwa Kalinda mu filembo fya mpofu e ko bali mu ciKorean ne ciPortuguese.

◼ Ifikwama fipya ifya kubikamo bamagazini (Magazine File Case) nafibweshiwako umutengo ukufuma pali K4,000.00 ukufika pali K1,500.00 ukutendeka pa April 1, 1996.

◼ Impapulo Shilipo:

Ukwishiba Uko Kutungulula ku Mweo wa Muyayaya—iciNgeleshi, iciLozi iciLubale,

Amabaundi volyumu ya Watchtower aya 1951, 1952—iciNgeleshi

◼ Amakaseti Ayalipo:

Sing Praises to Jehovah (Seti wa makaseti 113 mu maalubamu yasano aya kubomfya fye ifilonganino epela no mutengo ni K70,000.00.)