Ukubilisha
◼ Ulupapulo lwa kutambika mu August: Amabroshuwa ayali yonse aya mabula 32 pali aya yakonkapo: Bushe Lesa mu Cituntulu Alatusakamana?, Bushe Ulingile Ukusumina Muli Bulesa Butatu?, Cinshi Caba Imifwaile ya Bumi—Ni Shani Fintu Wingaisanga?, Ipakishe Ubumi pe Sonde kuli Pe na Pe!, Ilyo Untu Watemwa Afwa, Kamfulumende Iikaleta Paradise, na “Moneni! Ifintu Fyonse Nafilenge Fipya.” Uko cingaba icalinga, amabroshuwa pamo nga Imipashi ya Bafwa—Bushe Kuti Yakwaafwa Nelyo Ukukucena? Bushe mu Cituntulu Eko Yaba?, Our Problems—Who Will Help Us Solve Them?, na Will There Ever Be a World Without War? kuti yatambikwa. September: Life—How Did It Get Here? By Evolution or by Creation? Ifilonganino ifikwete icitabo ca Kuti Waikala Kuli Pe na pe muli Paradise Pe Sonde nelyo Ukulenga Ubumi bwa Lupwa Lobe ubwa Nsansa kuti fyatambikwa. October: Ukulembesha atemwa Loleni! nelyo Ulupungu lwa kwa Kalinda nelyo bamagazini bonse babili. November: Ukwishiba Uko Kutungulula ku Mweo wa Muyayaya. Kukabako ukubombesha kwaibela ku kukonkelela uko twashalike ifi fitabo, mu kuba no buyo bwa kutendeka amasambililo ya Baibolo aya mu ŋanda.
◼ Amaformu yakumanina aya kubomfya mu mwaka wa mulimo uwa 1997 yaletumwa ku cilonganino cimo cimo. Twapaapaata bomfyeni aya maformu mano mano. Yalingile ukubomfiwa ku mifwaile ya yako epela.
◼ Icilonganino cimo cimo cikapokelela amaformu yatatu aya Ukupenda Ifitabo (S-AB-18). Kalemba wa cilonganino alingile ukukumana no mubomfi wa fitabo mu kubangilila mu August no kwimika ubushiku bwa kupenda ifitabo fyonse ifili mu cilonganino pa kupwa kwa mweshi. Kulingile ukubako ukupenda kwa cine cine ukwa fitabo fyonse ifilipo mu cilonganino, kabili ubwingi bonse bulingile ukulembwa pali formu wa Ukupenda Ifitabo. Impendwa ya bamagazini bonse abalipo kuti yapokwa ukufuma ku mubomfi wa magazini. Twapaapaata tumeni formu wa kubalilapo ku Sosaite te kucila pa September 6. Sungeni formu wa karboni mu mafaelo yenu. Formu wa karboni uwa citatu kuti abomfiwa pamo nga uwa kubombelapo. Ukupenda kulingile ukwangalilwa na kalemba, kabili formu waisushiwa alingile ukubebetwa na kangalila wa kutangilila. Kalemba na kangalila wa kutangilila bakasaina pali formu.
◼ Mu August icilonganino cimo cimo cikapokelela amaformu yabili aya Lipoti wa Kubebeta Icilonganino (S-10). Komiti wa Mulimo alingile ukushininkisha ukuti aya maformu nayesushiwa mu kulungika no kubweshiwa ku Sosaite ilyo September 10 tailafika. Umwaka wapwile, ifilonganino 527 tabatumine amalipoti yabo.
◼ Ifilonganino filingile ukutendeka ukwipusha Kalenda wa Nte sha kwa Yehova uwa 1997. Amakalenda yakabako mu Cibemba, Ichichewa na IciNgeleshi.
◼ Ukutendeka August 26, 1996, ukufika August 31, 1996, Sosaite ikalapenda ifitabo fyonse ifilipo pa Bethel. Pa mulandu wa uku kupenda, takwakabe ukuorda kwa fitabo fya cilonganino ukuli konse ukukabombelwapo ku kutumwa nelyo ukusendwa muli isho nshiku. Twapaapaata mwishibe na kabili ukuti Umuputule wa Fitabo uwa pa Bethel ukesalwa muli isho nshiku shimo shine na muli ifyo takwakabe ifitabo ifikalashitishiwa kuli bamunyina abakalaisa.
◼ Ukutantika kwakonkapo kulingile ukukonkwa ku Masambililo yonse aya Citabo pa Cilonganino mu mulungu we bungano lya citungu: Ifyebo fyapeelwa ukusambililwa ifya uyo mulungu filingile ukwakanishiwa kabili citika wa ifyo fyebo alingile ukusambililwa capamo ne fyebo fyatantikwa ifya mulungu wa pa ntanshi ye bungano ilintu citika wa cibili alingile ukusanshiwa ku fyebo fyapeelwa ukusambililwa ifya mulungu wa pa numa ye bungano lya citungu. Nga cakabilwa te kuti mubelenge amaparagrafu. Ifilonganino filecinkulwako ukuti kuliko ukubombesha kwa kulatantika impendwa inono iya mabula cila mulungu pa kuti amalembo yonse ayali mwi sambililo lilesambililwa yengabelengwa.
◼ Tulefwaya ukwishibishisha libela abo bonse ababa pa mutande wa bapainiya ba nshita yonse ukufuma pa October 1, 1995 nelyo mu kubangilila, kabili abo abashilasangwa kwi Sukulu lya Mulimo wa Bupainiya ukuti isukulu likatungululwa mu October 1996. Twapaapaata shininkisheni ukuti mwatantika ukusangwa kwi Sukulu lya Mulimo wa Bupainiya mu October. Ku numa bamo balipuswa kuli ili sukulu ukwabula no mulandu wine wine. Tatulefwaya painiya uuli onse ukupuswa ku sukulu. Ifyebo fyalundwako fikatumwa kuli imwe na kangalila wa muputule.
◼ Impapulo Shilipo:
Ukwishiba Uko Kutungulula ku Mweo wa Muyayaya—IciPortuguese, IciTonga
Amabaundi volyumu ya Watchtower aya 1956 na 1957—IciNgeleshi
Abateyanishiwa ku Kupwilikisha Ubutumikishi Bwesu—Cibemba
◼ Amakaseti ya Vidio Ayalipo Ayapya:
The New World Society in Action—IciNgeleshi