North Amerika Ikakwata Amabungano ya Pa kati ka Nko mu 1998

Nga fintu cabilishiwe pa Cibelushi, October 5, 1996, pa kukumana kwa pa mwaka ukwa Watch Tower Bible and Tract Society of Pennsylvania, Ibumba Litungulula lilepanga ukukwata amabungano ya pa kati ka nko mu 1998. Capamo na mabungano ya citungu aya lyonse, kukaba amabungano ya pa kati ka nko ayafulilako mu North Amerika pamo pene na mu Afrika, Asia, ku Bulaya, Latin Amerika, mu Caribbean, na ku South Pacific.

Ayengi pali aya mabungano yaibela yakabela mu North Amerika, kabili amakombe ukufuma mwi sonde lyonse bakalaalikwa. Na kabili, kuti twaenekela bamishonari ukusangwa kuli aya mabungano ya pa kati ka nko. Bamishonari na bambi ababa mu mulimo waibela ababomba ku nse ya fyalo fyabo ukufika ku myaka itatu kabili abakafikapo bakalaalikwa ukusangwa kuli limo ilya aya mabungano mu calo cabo nelyo mupepi ne calo cabo.

Ifyebo fyalundwapo ukukuma ku nshiku, ififulo, abengafikapo ukusangwako, imitantikile ya makombe yakafuma ku nse ya fyalo, ne fintu fimbi fikesa pa numa. Kukaba ishuko lya mu nshita ku makombe yamo yamo aya ku United States ukuyasangwa ku mabungano ya pa kati ka nko mu fyalo fimbi. Bakasabankanya abaletontonkanya ukulembesha ukuti bengasalwa ukuba pa kati ka makombe kuti bafwaya ukutendeka ukusungako indalama mu kupekanishisha ishi nshita shaibela. Iofesi likeba ifilonganino ukukuma ku musumba ukabelamo ibungano lya pa kati ka nko uko bakasabankanya bakalaalikwa. Ifyebo fikapeelwa ukukuma ku nshiku no kutantikwa kulepekanishiwilwa amakombe yasalilwe.