Ukupitulukamo kwa Kulemba Ukwe Sukulu lya Butumikishi bwa Teokratiki
Ukupitulukamo pa fitabo fyaisalwa pa fyebo fyafimbilwe mu kupeelwe mbali kwe Sukulu lya Butumikishi bwa Teokrasi ukwa milungu ya May 5 ukufika ku August 18, 1997. Bomfyeni ipepala lya pa mbali ku kulembapo ifyasuko ku fipusho fyafulilako ukufika pantu mwingapesha mu nshita ipeelwe.
[Ishibeni: Mu kati ka kupitulukamo kwa kulemba, ni Baibolo fye ingabomfiwa ku kwasuka icipusho icili conse. Ifya kuloshako ifikonkele pa fipusho fya kusapika kwa pa lwenu. Amanambala ye bula na paragrafu te kuti pambi yamoneke pa fya kuloshako fyonse ku Ulupungu lwa kwa Kalinda.]
Asukeni ubulondoloshi bwakonkapo bumo bumo Cine nelyo Bufi:
1. Imbali sha nshiku sha kulekelesha shisangwa fye muli Mateo 24, Marko 13, na Luka 21. [kl-CW ibu. 102 umukululo]
2. Ukusokolola 7:16 kulangilila ukuti aba mwi bumba likalamba tabakacule ku kupakaswa ku calo. [uw-CW ibu. 108 para. 11]
3. Icipusho ca kwa Yohane Kabatisha icisangwa pali Luka 7:19 cisokolola ukuti abulishe icitetekelo. [Ukubelenga Baibolo cila mulungu; moneni w87-CW 1/1 ibu. 16.]
4. Ubufumu ubo Yesu ashimikilepo bwa cibili kuli bumulopwe bwa kwa Lesa. [kl-CW ibu. 91 para. 4]
5. Lintu Yesu aebele abaFarise ukuti Ubufumu bwa kwa Lesa bwali mu kati kabo, alelosha ku mwine pamo nga Imfumu ya ku ntanshi. (Luka 17:21) [kl-CW ibu. 91 para. 6]
6. Takwaba ukuli konse mu Malembo umo umupashi wa mushilo wakwate shina. [rs-CW ibu. 83 para. 1]
7. Cimoneka kwati Marko alembele Ilandwe lyakwe ukucilisha ku baYuda. [si-CW ibu. 182 para. 8]
8. Nangu ca kuti Yesu alandile pali Yehova ukuti “Lesa wandi,” nga fintu calembwa pali Yohane 20:17, takwaba mu Malembo uko Yehova abala alanda pa lwa kwa Yesu nga “Lesa wandi,” kabili Yehova nelyo Yesu tababala abalanda pa lwa mupashi wa mushilo pamo nga “Lesa wandi.” [rs-CW ibu. 87 para. 3]
9. Takwaba ubulondoloshi bwalinga pa lwa mulandu ibuuku lya kwa Luka lyakwatila amashiwi ayengi ukucila Amalandwe yambi ukukumbinkanya. [si-CW ibu. 187 para. 2]
10. Takwabako ifya kuloshako muli Baibolo ifilanda pa mibele intu ibumba likalamba lilingile ukulangisha pa kuti bengapusunsuka Armagedone. [uw-CW ibu. 105 para. 5]
Asukeni ifipusho fyakonkapo:
11. Lyonse lintu icipande cingapilibulwa ukulingana no lulimi ukufuma mu Baibolo mu nshila yacila pali imo, cishinte nshi ica kutungulula cilingile ukukonkwa na kapilibula? [rs-CW ibu. 92 para. 1]
12. Cinshi cicilikila abantu bamo ukupokelela ukufunda? [uw-CW ibu. 127 para. 4]
13. Ni mu cifulo nshi icisumino ca Bulesa Butatu cibika abo bekatilila kuli cene? [rs-CW ibu. 100 para. 3]
14. Cinshi cintu Yesu apilibwile lintu atile: “Mukwate umucele muli mwe bene, kabili mubelane umutende”? (Marko 9:50) [Ukubelenga Baibolo ukwa cila mulungu; moneni w85-CW 5/15 ibu. 21 para. 12.]
15. Lisambililo nshi ilyacindama ilyo twingasambilila ukufuma ku fintu Yesu ayankwile ku musangulo wa kwa mukamfwilwa umupiina? (Marko 12:42-44) [Ukubelenga Baibolo ukwa cila mulungu; moneni w87-CW 12/1 ibu. 29 para. 7–ibu. 30 para. 1.]
16. Ni shani fintu imibele ya kwa Petro imo yamonwa mu milembele ya kwa Marko, kabili cinshi cingalenga ifi? [si-CW ibu. 182 amapara. 5-6]
17. Malembo nshi mu Amalumbo na AbaHebere yalanga ukuti Yesu tatendeke ukuteka pa numa fye ya kuya ku muulu? [kl-CW ibu. 96 para. 15]
18. Ni mu nshila nshi ukucetekela kwesu ukwa kuti Baibolo kuti yashintililwapo kukoshiwa lintu twabelenga amalembo pamo nga Luka 3:1, 2? [si-CW ibu. 188 para. 7]
19. Ukulingana na Ukusokolola 7:14, cinshi cifuma mu kusamba amalaya ya umo mu mulopa wa Mwana wa mpaanga? [uw-CW ibu. 106 amapara. 6-7]
20. Apantu twalishiba ukuti Yesu tabalile abuulishe citetekelo muli Lesa, mulandu nshi alilile ukuti: “Lesa wandi, Lesa wandi, cinshi mwandekelesesha?” (Marko 15:34) [Ukubelenga Baibolo ukwa cila mulungu; moneni w87-CW 6/15 ibu. 31.]
Payanyeni ishiwi nelyo amashiwi yalekabilwa ku kupwishishisha ubulondoloshi bwakonkapo bumo bumo:
21. Umukate na waini ifibomfiwa pa kusefya kwa Cibukisho fyaba fye ․․․․․․․․, umukate ukwimininako ․․․․․․․․ na waini ukwimininako ․․․․․․․․ wakwe ․․․․․․․․. [uw-CW ibu. 115 para. 13]
22. Lintu twatontonkanya pa fyacitika mu cine cine, cilamoneka icashininkishiwa ukuti ukwitwa kwa ku muulu mu cinkumbawile kwapwishishiwe mupepi no mwaka wa ․․․․․․․․ , lintu isubilo lya pe sonde ilye ․․․․․․․․ lyaishibikwe mu kumonekesha. [uw-CW ibu. 111 para. 6]
23. Lintu Yohane Kabatisha atendeke ukushimikila, kateka wa Yudea aali ni ․․․․․․․․ na kateka wa citungu ca Galili aali ni ․․․․․․․․. [Ukubelenga Baibolo ukwa cila mulungu; moneni Luka 3:1.]
24. Umupashi ucitilo bunte na maka yakunta aya muntontonkanya no mutima wa abo ababa mu cine cine abana aba kwa Lesa ․․․․․․․․. [uw-CW ibu. 113 para. 9]
25. Nga fintu calangililwa pali Luka 10:16, lintu mu kubamo ukutasha twapokelela ifyapayanishiwa fya ku mupashi ifyo fishila mwi ․․․․․․․․ ne Bumba Litungulula, tulanga umucinshi kuli ․․․․․․․․ . [uw-CW ibu. 123 para. 13]
Saleni icasuko calungama mu bulondoloshi bwakonkapo bumo bumo:
26. Aba mushilo abalandwapo pali Mateo 27:52 (balibuushiwe pa kashita kanono mu mubili; yali mu cine cine mibili iyafwa iyafwampwilwe ukufuma mu nshishi sha iko ku cinkukuma; balibuushiwe ukuya ku bumi bwa mu muulu ilyo Yesu talaya). [Ukubelenga Baibolo ukwa cila mulungu; moneni w90-CW 9/1 ibu. 7.]
27. Pali Kolose 1:15, Yesu etwa “ibeli lya ku cibumbwa conse,” icilepilibula ukuti (apala Lesa kabili takwata intendekelo; ibeli lya bana ba kwa Lesa pe sonde; e mukalamba mu lupwa lonse ulwa bana ba kwa Yehova). [rs-CW ibu. 84 para. 2]
28. Ukusontwa kwa “musha wa cishinka kabili uwashilimuka” kwalishininkishiwe no mupashi wa mushilo mu mwaka wa (33 C.E.; 1918; 1919). (Mat. 24:45) [uw-CW ibu. 119 para. 6]
29. Ifunde lilingile ukukonkwa ku Bena Kristu bonse, lelo ukucilisha abo bakwata ifishingamo fya bwangalishi mu kuteyanya kwa kwa Lesa, lya kuti: “(Uwa cilumba; Uwacindama; Uwacepesha) muli imwe e mukalamba.” (Luka 9:48) [uw-CW ibu. 122 para. 12]
30. Nga fintu calembwa muli (Mateo 10; Mateo 24; Luka 21), Yesu apeele amakambisho ya mu mulimo aya kulungatika kuli abo atumine ku kushimikila. [si-CW ibu. 181 para. 31]
Linganyeni amalembo yakonkapo ku bulondoloshi butantikwe pe samba:
Amapi. 4:13; Dan. 7:9, 10, 13, 14; Marko 7:20-23; 13:10; Luka 8:31
31. Tulingile ukuba abaibukila ukwishiba ukusonga ukuli konse ukwa kubulwa bukapepa nelyo ukwa kubosha uko nalimo kwingesa ku muntontonkanya wesu no mutima kabili tulingile ukukufumyapo ilyo kushilalimba imishila. [Ukubelenga Baibolo ukwa cila mulungu; moneni w89-CW 11/1 ibu. 14 para. 16.]
32. Ifibanda fikailunda kuli Satana mu mibele yapala iya kufwa mu kati ka “myaka ikana limo.” (Ukus. 20:3) [Ukubelenga Baibolo ukwa cila mulungu]
33. Umutima wa kupamfiwa ulekabilwa pa kuti umulimo wa kushimikila mwi sonde lyonse wingapwishishiwa mu nshita yapimwa. [Ukubelenga Baibolo ukwa cila mulungu; moneni w95-CW 10/1 ibu. 27.]
34. Ukupokelela ukufunda kuti kwacingilila umo ku kusosa no kucita ifintu ifyo fingalenga ukulila ubulanda pa numa. [uw-CW ibu. 128 para. 6]
35. Nangu cingati te kuti tumone ifibumbwa fya mupashi, Icebo ca kwa Yehova cilatupeelako icitontonshi ca kuteyanya kwakwe ukwa mu muulu ukushimoneka ne mibombele ya kuko imo iyo yambukila bakapepa bakwe pe sonde. [uw-CW ibu. 117 para. 1]