Ukubilisha

◼ Ulupapulo lwa kutambika mu August: Amabroshuwa ayali yonse aya mabula 32 ayakonkapo: Bushe Lesa mu Cituntulu Alatusakamana?, Bushe Ulingile Ukusumina Muli Bulesa Butatu?, Cinshi Caba Imifwaile ya Bumi—Ni Shani Fintu Wingaisanga?, Ilyo Untu Watemwa Afwa, Ipakishe Ubumi pe Sonde kuli Pe na Pe!, na Kamfulumende Iikaleta Paradise. Mu kulundapo, kuti twatambika ifitabo fya mabula 192 ifyakonkapo: Abaikatana mu Kupepa Lesa Umo Eka Uwa Cine, Baibolo—Cebo ca kwa Lesa Nelyo ca Muntu?, Insansa—Ifya Kushisanga, “Ubufumu Bwenu Bwise,” Ukupusunsuka Ukwingila mwi Sonde Lipya, Ukukutika kuli Kasambilisha Mukalamba, Umutelelwe wa mu Kusalala kwa Calo pe Samba lya kwa “Cilolo wa Mutende.” Ifi fitabo fili pa mutengo waibela, K400.00 kuli bakasabankanya ne cintubwingi na K300.00 kuli bapainiya. September: Icaba Inkaama ku Nsansa sha Lupwa. October: Ukulembesha Ulupungu lwa kwa Kalinda nelyo Loleni! nelyo bamagazini bonse babili. Ukutendekela mu mweshi wa October ku kulekelesha, trakiti wa Imbila ya Bufumu Na. 35 akananishiwa. November: Ukwananya trakiti wa Imbila ya Bufumu Na. 35 kukatwalilila. Ifilonganino ifyo fyapwishishisha icifulo cabo ica kubombelamo pa kufika ku bene mayanda mu ng’anda imo imo mu kuba na trakiti wa Imbila ya Bufumu Na. 35 kuti batambika icitabo ca Ukwishiba.

◼ Mu bwikashi ubuli bonse mu nshita shalekanalekana mu mwaka, mwalibamo amaholide ya ku calo ilyo abana bashiya ku sukulu na lintu ababomba bashiya ku ncito. Ishi nshita shalaba ishawamisha ku cilonganino ukwingilishako imibombele yabo mu butumikishi bwa mwi bala. Baeluda balingile ukwishiba ilyo ishi nshita shikabako no kwishibisha libela icilonganino pa lwa mapekanyo baletantika aya kushimikila mu mabumba pa maholide.

◼ Amabungano ya citungu: Slipi wa S:CO May 10, 1997, uwatuminwe ku filonganino fyonse, akwete ukuteulula kubili: (1) Ukuti ifilonganino filanda Icibemba mu LK-06 fikakwata ibungano fyeka ku Chingwere, Lusaka (C) pa August 15-17. Ili ibungano lyalundwako lyalenga ubwingi bonse ubwa mabungano mu Zambia ukuba 48. (2) Inshiku she bungano lya Chichewa ilya Lusaka (A) ku Independence Stadium nashiteululwa ukuya ku August 22-24.

◼ Ubwingi bwa malipoti ukufika kuli 240 tayapokelelwe, na muli ifyo tayasanshiwe muli Lipoti wa Mulimo uwa April 1997. Bakalemba abatuma amalipoti ya mulimo wa mwi bala ukubomfya ifimbayambaya fya Sosaite, balecinkulwako ukwibukila ukulasha amalipoti pa cifulo ca kusendelapo ukukanacila ubushiku bwalenga 6 ubwa mweshi umo umo. Twapaapaata, lekeni amalipoti yapembelele icimbayambaya pa cifulo ca kusendelapo. Na kabili muli abantungwa ukutuma amalipoti yenu ukubomfya post office apantu imbokoshi ya Sosaite ilabomba.

◼ Amaformu yakumanina aya kubomfya mu mwaka wa mulimo uwa 1998 yaletumwa ku cilonganino cimo cimo. Twapaapaata bomfyeni bwino aya maformu. Yalingile ukubomfiwa fye ku mulimo wa yako.

◼ Icilonganino cimo cimo cikapokelela amaformu yatatu aya Ukupenda Ifitabo (S-AB-18). Kalemba wa cilonganino alingile ukukumana no mubomfi wa fitabo mu kubangilila mu August no kutantika ubushiku bwa kupenda ifitabo fya cilonganino fyonse pa mpela ya mweshi. Mulingile ukupenda ifitabo fyonse ifilipo, kabili ubwingi bonse bulingile ukulembwa pali formu wa Ukupenda Ifitabo. Kuti mwapoka icipendo ca bwingi bonse ubwa bamagazini balipo ku mubomfi wa bamagazini. Twapaapaata tumeni formu wa kubalilapo ku Sosaite ukukanacila pa September 6. Sungeni formu wa cibili mu mafaelo yenu. Formu wa citatu kuti abomfiwa pamo nga uwa kweseshapo. Kalemba e ulingile ukwangalila ukupenda, kabili formu wapwishishiwa alingile ukubebetwa na kangalila wa kutangilila. Kalemba na kangalila wa kutangilila bakasaina pali formu.

◼ Kalemba wa cilonganino akalonganika amalipoti ya mulimo ku kulemba pali formu wa Lipoti wa Kubebetelapo Icilonganino (S-10). Na kabili alingile ukulondolwela bwino eluda uuli onse nelyo umubomfi utumikila ukalaafwilisha ukulonganika lipoti. Ici cikashininkisha ukutantika bwino ifyebo filekabilwa ukufuma pa Fyalembwa fya Bukasabankanya Ifya cilonganino (S-21). Formu wa Lipoti wa Kubebetelapo Icilonganino (S-10) alingile ukwisushiwa bwino bwino no kubelengwamo mu kusakamanishisha na komiti wa mulimo.

◼ Kuti twatemwa ukucinkwila libela abo bonse ababa pa mutande wa bupainiya bwa nshita yonse ukufuma pa October 1, 1996 nelyo pa ntanshi, kabili abashasangwapo kwi Isukulu lya Mulimo wa Bupainiya ukuti isukulu likatungululwa mu October 1997. Twapaapaata shininkisheni ukuti mwapekanya ukusangwa ku Isukulu lya Mulimo wa Bupainiya mu October. Bapainiya balingile ukwibukisha ukuti ili isukulu lyapayanishiwa na Yehova. Ku fyebo fyalundwako twapaapaata ipusheni kangalila wenu uwa muputule.

◼ Ifilonganino filingile ukutendeka ukuorda Kalenda wa Nte sha kwa Yehova uwa 1998 pali orda wabo uwa fitabo uwa September. Amakalenda yakabako mu Chichewa, mu Cibemba na mu ciNgeleshi.

◼ Ukutula pa August 25, 1997, ukufika pa August 30, 1997, Sosaite ikalapenda ifitabo fyonse ifilipo ku Makeni. Pa mulandu wa uku kupenda, takuli amaorda ya fitabo aya filonganino ayakabombelwapo ku kutumwa nelyo ukusendwa muli isho nshiku.

◼ Impapulo Shilipo:

Ukusansamusha ku Bapopomenwa—IciNgeleshi

How to Start and Continue Bible Studies—IciLozi, IciLubale, IciTonga

Cinshi Cintu Lesa Afwaya Kuli Ifwe?—IciLunda