Ukulongana kwa Mulimo Ukwa November
Umulungu wa Kutampa November 3
Ulwimbo 48
10 min: Ukubilisha kwa pa mwenu. Ukubilisha kwasoobolwa mu Ubutumikishi Bwesu Ubwa Bufumu. “Imbila Nsuma Pali Internet.” Landeni pali lipoti wa mulimo wa mwi bala uwa July uwa mu calo no wa mu cilonganino cenu.
15 min: “Umwinshi Ukalamba uwa Kubombeshamo Nawisuka.” Ilyashi na eluda, ukusanshako no kulanshanya ne bumba lyonse. Koselesheni bonse abali na maka ukutinamina ukubombako apo bengapesha umulimo wa kushimikila. Sanshenimo ukupanda amano kwaba mu Ulupungu lwa kwa Kalinda ulwa August 15, 1988, ibula 22.
20 min: “Konkeleleni Ubuseko Bwabalamwinwe Muli Trakiti wa Imbila ya Bufumu.” Ifipusho ne fyasuko. Langilileni inshila sha kulandilamo mu paragrafu 6. Muli imo iya maparagrafu, langilileni ifyo isambililo lya Baibolo lyatendeka.
Ulwimbo 144 ne pepo lya kusondwelela.
Umulungu wa Kutampa November 10
Ulwimbo 51
10 min: Ukubilisha kwa pa mwenu. Lipoti wa ndalama. Ebeni icilonganino pa lwa cifulo cisheleko ica kubombelamo na trakiti wa Imbila ya Bufumu Na. 35. Koselesheni bonse ukubombako mu kufikapo muli uno mulungu wa kupelako uwa kampeni waibela.
15 min: Ukukabila kwa pa mwenu.
20 min: “Shimikileni ku ba mu Cupo Abashili Nte.” Ukulanshanya kwa baeluda babili abayangwako pa lwa kwishiba bwino nga nshi ababa mu cupo abashasumina. Na kabili balanda pa mitubululo yaba mu Ulupungu lwa kwa Kalinda ulwa May 15, 1989 amabula 17-18, amaparagrafu 6-9. Sanshenimo ifya kukumanya ukufuma mu Ulupungu lwa kwa Kalinda ulwa October 1, 1995, amabula 10-11, amaparagrafu 11-12.
Ulwimbo 148 ne pepo lya kusondwelela.
Umulungu wa Kutampa November 17
Ulwimbo 53
10 min: Ukubilisha kwa pa mwenu. Londololeni imitantikile ya mulimo wa mwi bala iya mulungu. Landeni pa fya kukumanya fya mu cifulo cenu ukufuma muli kampeni wa Imbila ya Bufumu Na. 35.
20 min: Shukileni Ili Shuko Lyaibela! Ilyashi ukushimpwa pa Ulupungu lwa kwa Kalinda ulwa November 15, 1996, amabula 21-3.
15 min: “Finshi Nkasosa?” Ukulanshanya ne bumba lyonse. Belengeni paragrafu wa kubalilapo pe bula 8 mu citabo ca Ukupelulula, ukulondolola fintu icitabo capekanishiwa ku kutwaafwa ukushimikila bwino pa mitwe yalekanalekana iya mu Baibolo. Langilileni ukubomfya icilangililo cimo nelyo fibili ifyapekanishiwa bwino.
Ulwimbo 151 ne pepo lya kusondwelela.
Umulungu wa Kutampa November 24
Ulwimbo 56
8 min: Ukubilisha kwa pa mwenu.
15 min: Imibele Isuma pe Sambililo lya Citabo pa Cilonganino. Tulatasha icileela ca ndupwa shapeela amayanda yabo kwi sambililo lya citabo. Ici kuti casanshamo ukupekanya kukalamba no kupumfyanishiwa. Lintu tulesangwako, tulingile ukuba ne mibele isuma no kulanga umucinshi no kulangulukilako, icingasanshamo ifyakonkapo: (1) Tulingile ukuwamya inkasa shesu bwino ilyo tushilaingila, ukusengauka ukukantaika amaloba panshi nelyo pali kapeti. (2) Abafyashi balingile ukwangalila abana babo, ukushininkisha ukuti baleisunga bwino kabili bekele mu ncende ya ng’anda iibomfiwa kwi sambililo lya citabo. (3) Ilintu ibumba nalimo kuti lyaba ilinono ne mibele ukumoneka kwati ya kutandala fye, uku kulongana kwa cilonganino kabili tulingile ukufwala ifyo tufwala ilyo tuleya ku Ng’anda ya Bufumu. (4) Ukubishanya pa numa ya kulongana kulingile ukuba ukwipi pa kuti aba mu ng’anda bengashalako ne nshita ya pa lwabo. (5) Ilintu mwine ng’anda umulecitilwa isambililo nalimo kuti asoobolapo limo limo ukupeela utwa kulya nelyo utwa kunwa pa numa ye sambililo, bonse bafwile ukwishiba ukuti tabalingile ukulaenekela ifya musango uyo nelyo ukufifwaya.
22 min: Lengeni Abantu Ukuba Abasambi, Ukubasambilisha. Eluda atungulula ukulanshanya na bakasabankanya batatu nelyo bane, ukwasuka ifipusho fili mu citabo ca Ubutumikishi Bwesu, amabula 88-92: (1) Mulandu nshi ukubwelelako kwabela ukwakatama pa kuti ubutumikishi bubombwe bwino? Ni shani fintu umo engabomba no kwafya kwa mulimo wa cipempu ca kubwelelamo? (2) Mulandu nshi tulekomailapo nga nshi pa lwa kutendeka amasambililo ya Baibolo? Ni shani fintu twingaba abalamuka mu kutungulula amasambililo? (3) Mulandu nshi cabela icacindama ukutungulula abasambi ku kuteyanya? Ni shani fintu twingacita ifyo? Ibumba na kabili lyashimika fintu ifya mu kati fya Ubutumikishi Bwesu Ubwa Bufumu ubwa nomba line ubwa June 1996 na March na April 1997 fyabafwilisha muli ishi mbali.
Ulwimbo 160 ne pepo lya kusondwelela.