Ukupitulukamo kwa Kulemba Ukwe Sukulu lya Butumikishi bwa Teokratiki
Ukupitulukamo pa fitabo fyaisalwa pa fyebo fyafimbilwe mu kupeelwe mbali kwe Sukulu lya Butumikishi bwa Teokrasi ukwa milungu ya January 5 ukufika ku April 20, 1998. Bomfyeni ipepala lya pa mbali ku kulembapo ifyasuko ku fipusho fyafulilako ukufika pantu mwingapesha mu nshita ipeelwe.
[Ishibeni: Mu kati ka kupitulukamo kwa kulemba, ni Baibolo fye ingabomfiwa ku kwasuka icipusho icili conse. Ifya kuloshako ifikonkele pa fipusho fya kusapika kwa pa lwenu. Amanambala ye bula na paragrafu te kuti pambi yamoneke pa fya kuloshako fyonse ku Ulupungu lwa kwa Kalinda.]
Asukeni ubulondoloshi bwakonkapo bumo bumo Cine nelyo Bufi:
1. Ukufikila nomba ukushula ifyashikama takwatungilila 1 Ishamfumu. [si-CW ibu. 65 para. 4]
2. Ukulangulukilako sana bumupashi bwa Bena Kristu aba mu Korinti e kwalengele Paulo ukulemba kalata wakwe uwa kubalilapo kuli bene lintu ali mu lwendo lwa bumishonari ulwalenga bubili. [si-CW ibu. 210 para. 3]
3. Ku bena Egupti, Farao alemonwa nga Horus wafyalwa cipya cipya, umulungu wakwata umutwe wa kwa pungwa. [w96-CW 1/15 ibu. 24 para. 1]
4. Ishiwi “simony,” ilyafuma ku ca kucitika calembwa pa Imilimo 8:9-24, lilosha ku kucita amanga. [Ukubelenga Baibolo ukwa cila mulungu; moneni w90-CW 6/1 ibu. 17 para. 8.]
5. Pa Abena Roma 8:6, 7, “umubili” ulosha ku mibele yesu iyawa pamo nga bantu bashapwililika abapyano lubembu. [Ukubelenga Baibolo ukwa cila mulungu; moneni w91-CW 3/1 ibu. 21 para. 4.]
6. Mu kumfwana na Abena Efese 5:33, umukashi ukucindikisha umulume tacipilibula ifyo te kuti alandepo imimwene yakwe, maka maka nga cimo camukalifya. [kl-CW ibu. 144 amapara. 12-13]
7. Lintu Umwina Kristu alebomfya mu bumi bwakwe ifishinte fya mibele ne fya ku mupashi ifya mu Baibolo, alasangululwa ku Cebo ca kwa Yehova, ‘ukusambwa’ ku fibelesho fyonse ifyo Yehova Lesa apata. (1 Kor. 6:9-11) [w96-CW 1/1 ibu. 30 para. 4.]
8. Umutumwa Paulo umwine e wabatishe aba mu ng’anda ya kwa Stefana ku Korinti. [w96-CW 6/15 ibu. 29 para. 2.]
9. Pa Imilimo 20:20, inumbwilo ya kuti “ing’anda ne ng’anda” ilosha fye ku kutandala kwa bucemi mu mayanda ya basumina banankwe pa mulandu wa kuti amashiwi yashingulukako yalangilila ukuti Paulo aleeba abakalamba ba cilonganino. [Ukubelenga Baibolo ukwa cila mulungu; moneni w91-CW 1/15 ibu. 11 para. 5.]
10. Nga ca kuti twakansha imitima yesu ukutesekesha ifya ku mupashi, ukupepela umupashi wa kwa Lesa ukutwaafwa muli ci, lyene tukasengauka “ukwangwo mubili.” (Rom. 8:6, 7) [Ukubelenga Baibolo ukwa cila mulungu; moneni w91-CW 3/1 ibu. 21 para. 5.]
Asukeni ifipusho fyakonkapo:
11. Bulondoloshi nshi mwi buuku lya Imilimo ubulangilila ukuti ukukwata fye Icebo ca kwa Lesa no kulacibelenga pa lwenu te fikabilwa fye fyeka pa kunonka ubwishibilo bwalungika ubutungulula umo ku nshila ya bumi? [Ukubelenga Baibolo ukwa cila mulungu; moneni w91-CW 9/1 ibu. 19 para. 16.]
12. Cinshi cilangililwa ku cishinka Paulo alembele ukuti: “Bakateka abalipo batekwapo kuli Lesa”? (Rom. 13:1) [kl-CW ibu. 131 para. 7]
13. Pa Imilimo 11:26, mulandu nshi New World Translation ibomfesha inumbwilo ya kuti “ku kutungulula kwa buLesa baitilwe Abena Kristu,” lintu amabupilibulo ya Baibolo yambi tayasanshamo ilyo itontonkanyo lya “kutungulula kwa buLesa”? [Ukubelenga Baibolo ukwa cila mulungu; moneni w90-CW 6/1 ibu. 19 para. 19.]
14. Cinshi cikaafwa umukashi wa Bwina Kristu ukucindikisha umulume? (Efes. 5:33) [w96-CW 3/1 ibu. 21 para. 5]
15. Lisambililo lya musango nshi ilya pa lwenu ilyakoseleshiwa pa Imilimo 17:11? [si-CW ibu. 205 para. 38]
16. Muli kalata wakwe ku Bena Kristu mu Roma, cinshi Paulo mu kukosa aimike pa lwa baYuda na bashili abaYuda? [si-CW ibu. 206 para. 2]
17. Ukulingana na Abena Roma 12:2, ni ku cipimo nshi ubuntu bwa Bena Kristu bwalulwa ku maka ya Cebo ca kwa Lesa? [Ukubelenga Baibolo ukwa cila mulungu; moneni w90-CW 4/1 ibu. 16 para. 3.]
18. Bushe “inkama” yalumbulwa na Paulo pa Abena Roma 11:25 cinshi? [Ukubelenga Baibolo ukwa cila mulungu; moneni w84-CW 2/15 ibu. 17 para. 16.]
19. Mulandu nshi icilonganino ca Bwina Kristu cabela icalungika mu kutamfya bakacita wa fibi abashilapila? (1 Kor. 5:11, 13) [Ukubelenga Baibolo ukwa cila mulungu; moneni g96-CW 9/8 ibu. 30 amapara. 2-3.]
20. Ni shani fintu ukutuulika pa mutwe wa mulwani imisolilo ya mulilo kukaafwa mu kucimfya ububi? (Rom. 12:20, 21) [Ukubelenga Baibolo ukwa cila mulungu; moneni g86-CW 5/8 ibu. 6 para. 5.]
Payanyeni ishiwi nelyo amashiwi yalekabilwa ku kupwishishisha ubulondoloshi bwakonkapo bumo bumo:
21. Filipi alondolwelele mutungwi umwina Etiopia fintu ubusesemo bwa ․․․․․․․․ bwafikilishiwe, kabili na pa kubuutushiwa, uyu mu kuicefya alombele ukuti ․․․․․․․․. (Imilimo 8:28-35) [si-CW ibu. 204 para. 33]
22. Lintu umulandu wa ․․․․․․․․ walelandwapo, ․․․․․․․․ aikeshe ukupingulapo kwakwe ukupitila mu kusosa ukuti: “Kabili ici cayana ne fyebo fya bakasesema; ifyo calembwa.” (Imilimo 15:15-18) [Ukubelenga Baibolo ukwa cila mulungu; moneni si-CW ibu. 204 para. 33.]
23. Imibele ya ․․․․․․․․ itulenga ‘ukutunga abanensu ukuba abacila ifwe bene,’ e lyo ․․․․․․․․ kutulenga ‘ukushipikisha.’ (Fil. 2:3; 2 Tim. 2:24, 25) [w96-CW 5/15 ibu. 21 para. 5]
24. Ukulingana ne cilangililo ca kwa Paulo ica cimuti ca miolife ica cimpashanya mu Abena Roma icipandwa 11, nga fintu imikowa ya kwa Israele 12 yatuntuka kuli Abrahamu ukupitila muli Isaki, e fyo imikowa ya cimpashanya 12 iya kwa ․․․․․․․․ yatuntuka kuli ․․․․․․․․ ukupitila muli ․․․․․․․․. [Ukubelenga Baibolo ukwa cila mulungu; moneni w84-CW 2/15 ibu. 17 para. 15.]
25. Nga fintu Yehova alishishe abena Israele abaleikala mu matololo ya ․․․․․․․․, kuti atusungilila mu ․․․․․․․․. [w96-CW 8/15 ibu. 7 amapara. 1-2]
Saleni icasuko calungama mu bulondoloshi bwakonkapo bumo bumo:
26. Mu lyashi lyakwe mu Imilimo icipandwa 17, cinshi Paulo mu kulamuka alelanda pali Lesa wa mweo? Alelanda pali (bumulopwe; ubulungami; ukutemwa). [Ukubelenga Baibolo ukwa cila mulungu; moneni si-CW ibu. 204 para. 37.]
27. (Paulo; Petro; Luka) atashishe abantu ba ku (Makedonia; Yerusalemu), ukubeta ‘abacilapo ukuba abakankaala.’ (Imil. 17:11) [Ukubelenga Baibolo ukwa cila mulungu; moneni w95-CW 5/1 ibu. 14 para. 3.]
28. Ubufi, nelyo ukubepa, ukwalumbulwa pa Abena Roma 1:25 bulosha ku (kupepo tulubi; kwampana kwa bwamba ukwakowela; kubepa). [Ukubelenga Baibolo ukwa cila mulungu; moneni w91-CW 11/15 ibu. 6 para. 6.]
29. Mu cine cine, (abantu; Lesa na Kristu; Satana ne fibanda) ilingi e balenga ifintu ukulubana. [w-CW96 9/1 ibu. 5 para. 3]
30. Paulo alembele kalata wakwe uwa kubalilapo ku bena Korinti lintu aali mu (Roma; Efese; Korinti) mupepi no mwaka (52; 56) C.E. [si-CW ibu. 210 para. 3]
Linganyeni amalembo yakonkapo ku bulondoloshi butantikwe pe samba:
Ilu. 73:28; Amapi. 24:3; Esa. 65:13; Imil. 10:34, 35; 2 Kor. 12:7-9
31. Pamo nga babomfi ba kwa Yehova, tufwile ukumona abantu ba mikowa yonse nga fintu abamona. [Ukubelenga Baibolo ukwa cila mulungu; moneni w88-CW 5/15 ibu. 16 para. 6]
32. Baibolo ipayanya ifishinte ifyaba nge fisolobelo ifingalenga umo ukukuula ulupwa lwa nsansa. [kl-CW ibu. 140 para. 3]
33. Abapalama kuli Yehova baipakisha insansa sha cine no mutende wa ku mutontonkanya. [kl-CW ibu. 151 para. 3]
34. Ukutula kale, Yehova alipeela ica kulya ca ku mupashi ku bantu bakwe pamo nge bumba. [kl-CW ibu. 162 para. 6]
35. Yehova kuti asuminisha amesho ukutwalilila pa kashita, lelo alasuka amapepo kabili alishiba ne nshita yawamisha iya kucite fyo. [kl-CW ibu. 156 para. 15]