Ukubilisha
◼ Ulupapulo lwa kutambika mu August: Babroshuwa ba mabula 32 abali bonse pali aba kuti bashalikwa: Bushe Lesa mu Cituntulu Alatusakamana?, Bushe Ulingile Ukusumina Muli Bulesa Butatu?, Cinshi Caba Imifwaile ya Bumi—Ni Shani Fintu Wingaisanga?, Ilyo Untu Watemwa Afwa, Ipakishe Ubumi pe Sonde Kuli Pe na Pe!, na Kamfulumende Iikaleta Paradise. Uko calinga babroshuwa bakonkapo kuti bashalikwa: A Book for All People, Our Problems—Who Will Help Us Solve Them?, Imipashi ya Bafwa—Bushe Kuti Yakwaafwa Nelyo Ukukucena? Bushe mu Cituntulu Eko Yaba?, na Will There Ever Be a World Without War? September: Ukwishiba uko Kutungulula ku Mweo wa Muyayaya. October: Ukulembesha kwa Loleni! nelyo Ulupungu lwa kwa Kalinda nelyo bamagazini bonse babili. November: Ukwishiba uko Kutungulula ku Mweo wa Muyayaya.
◼ Amaformu yalinga aya kubomfya mu mwaka wa mulimo uwa 1999 yaletumwa ku cilonganino cimo na cimo. Aya maformu yalingile ukubomfiwa bwino. Yalingile ukubomfiwa fye ku mifwaile ya yako.
◼ Icilonganino cimo na cimo cikapokelela amaformu ya Kupendelapo Ifitabo (S-AB-18) yatatu. Kalemba wa mu cilonganino alingile ukukumana no mubomfi wa fitabo mu kubangilila kwa August no kwimika ubushiku bwa kupenda ifitabo fya cilonganino ifilipo pa mpela ya mweshi. Ifitabo fyonse ifilipo filingile ukupendwa, ne fipendo fyonse fili no kulembwa pali formu wa Kupendelapo Ifitabo. Icipendo ca bamagazini balipo kuti capokwa ku mubomfi wa magazini. Twapaapaata tumeni formu wa kubalilapo ku Sosaite te kucila pa September 6. Sungeni kope wa bubili mu mafaelo yenu. Kope wa butatu kuti pambi abomfiwa nge pepala lya kupendelapo. Kalemba alingile ukwangalila ukupenda, kabili kangalila wa kutangilila afwile ukubebeta formu waisushiwa. Kalemba na kangalila wa kutangilila bakasaina formu.
◼ Kalemba wa mu cilonganino akalonganika amalipoti ya mulimo ku kulemba pali formu wa Lipoti wa Kulondolola Icilonganino (S-10). Na kabili akatungulula bwino eluda uuli onse nelyo umubomfi utumikila uukalamwafwa ukulonganika lipoti. Ici cikashininkisha ukutantika kwalungika ukwa fyebo filekabilwa ukufuma pa makardi ya Icalembwa ca Bukasabankanya ica Cilonganino (S-21). Formu wa Lipoti wa Kulondolola Icilonganino (S-10), afwile ukwisushiwa mu kulungika kabili busaka busaka no kubebetwa bwino na Komiti wa Mulimo uwa Cilonganino.
◼ Nga ca kuti icilonganino cenu kuti catemwa ukuordako bamagazini balundwako, icilonganino cifwile ukutuma orda waibela pali formu wa M-202 lintu kwashala imyeshi itatu ukuti inshita bamagazini balekabilwapo ifike. Ku ca kumwenako, bamagazini balundwako balakabilwa mu myeshi ya March ukufika ku May lintu abengi babombako umulimo wa bupainiya bwa kwafwilisha nelyo lintu kangalila wa muputule aletandalila icilonganino. Bilisheni ku cilonganino ukwipusha bonse abalefwaya ukubombako bupainiya ukupenda bamagazini balundwako bengatemwa ukukwata mu mweshi umo nelyo imyeshi yafulilako. Pa numa ya kupenda bamagazini balekabilwa, mukeshiba impendwa ya bamagazini balundwako abalekabila ukuordwa. Amaorda ayali yonse ayaibela ayakatumwa mu kucelwa tayengesushiwa ne cilonganino tacakapokelele bamagazini.
◼ Tulefwaya ukwishibisha libela bonse abatendeke bupainiya bwa nshita yonse mu kubangililako nelyo ukufuma pa October 1, 1997, kabili abashilati basangwe kwi Sukulu lya Mulimo wa Bupainiya ukuti isukulu likabako mu October 1998. Shi pekanyeni ukuti mukasangweko kwi Sukulu lya Mulimo wa Bupainiya mu October. Bapainiya ishibeni ukuti uku kupayanya kufumine kuli Yehova. Kangalila wa muputule akamutumina ifyebo fyafulilako.
◼ Ibungano lya Citungu: Shi ishibeni ukuti inshiku she bungano lya Kabula nashalwilwa ukutwala ku September 1-3, 1998.
◼ Ifilonganino filingile ukutendeka ukuorda Kalenda wa Nte sha kwa Yehova uwa 1999 pali orda wabo uwa mpapulo uwa September. Amakalenda yakabako mu Chichewa, Icibemba ne ciNgeleshi.
◼ Ukutendeka pa August 1, 1998, amabaundi volyumu aya The Watchtower na Awake! yakaba pa mutengo wabweshiwa uwa K4,500.00. Indalama shifwile ukutuminwa pamo na orda umo na umo.
◼ Ukufuma pa August 31, 1998, ukufika ku September 5, 1998, Sosaite ikalapenda ifitabo fyonse ifili pa Bethel. Pa mulandu wa uku kupenda, takuli amaorda ya fitabo aya filonganino ayakabombelwapo ku kutumwa nelyo ukusendwa muli isho nshiku.
◼ Komiti wa Mulimo uwa Cilonganino alingile ukubombela mu kwangufyanya pa maformu yabalefwaya ukubombako bupainiya bwa nshita yonse. Komiti wa mulimo talingile ukusunga formu ku kumona nga ca kuti uwisushishe formu kuti akumanisha amaawala yakabilwa. Sosaite kuti yaalula ubushiku kasabankanya alefwaya ukutendeka bupainiya nga yapokelela amaformu pa numa ya bushiku bwa kutendeka bupainiya. Ubushiku bwa kutendeka bwalulwa fye nga ca kuti kuli imibele ine ine iyalenga. Nga ca kuti kwabako imibele ya musango yu, kalata alingile ukutumwa pamo na formu.—Moneni ica mu kati ca Ubutumikishi Bwesu Ubwa Bufumu ubwa October 1986, amaparagrafu 24-6.
◼ Tukatendeka ukusambilila babroshuwa mu kukonkana lintu tukapwa ukusambilila icitabo ca Insansa—Ifya Kushisanga pe Sambililo lya Citabo pa Cilonganino. Ukubilisha mu Ubutumikishi Bwesu Ubwa Bufumu ubwa May 1998 kwatile ukutendeka umulungu wa September 21 broshuwa wa Cinshi Cintu Lesa Afwaya Kuli Ifwe? akalabomfiwa. Pakakonka babroshuwa ba Inte sha kwa Yehova mu Mwanda wa Myaka Uwalenga Amakumi Yabili na Ilyo Untu Watemwa Afwa. Bakatungulula be sambililo lya citabo balingile ukupekanya ifipusho pa lwa fyebo fishikwete ifipusho.
◼ Impapulo Shilipo:
Amabaundi volyumu ya 1984, 1991-1997 Awake!—IciNgeleshi
Amabaundi volyumu ya 1951-1985, 1989, 1991, 1993, 1995, na 1997 Watchtower—IciNgeleshi
Baibolo—IciKaonde, IciLunda
Icipingo Cipya (K2,500.00)—IciTonga
Icaba Inkaama ku Nsansa sha Lupwa—IciSwahili, IciTonga
Amatrakiti 13-16—IciKaonde
◼ Compact Disc Umupya Uulipo:
Kingdom Melodies Na. 8