Ukupitulukamo kwa Kulemba Ukwe Sukulu lya Butumikishi bwa Teokratiki
Ukupitulukamo pa fitabo fyaisalwa pa fyebo fyafimbilwe mu kupeelwe mbali kwe Sukulu lya Butumikishi bwa Teokrasi ukwa milungu ya May 4 ukufika ku August 24, 1998. Bomfyeni ipepala lya pa mbali ku kulembapo ifyasuko ku fipusho fyafulilako ukufika pantu mwingapesha mu nshita ipeelwe.
[Ishibeni: Mu kati ka kupitulukamo kwa kulemba, ni Baibolo fye ingabomfiwa ku kwasuka icipusho icili conse. Ifya kuloshako ifikonkele pa fipusho fya kusapika kwa pa lwenu. Amanambala ye bula na paragrafu te kuti pambi yamoneke pa fya kuloshako fyonse ku Ulupungu lwa kwa Kalinda.]
Asukeni ubulondoloshi bwakonkapo bumo bumo Cine nelyo Bufi:
1. Ukulingana no bulondoloshi bwa Baibolo, miku itatu iyo Paulo atandele ku Korinti. [si-CW ibu. 214 para. 3]
2. Inshila ku lubatisho lwa Bwina Kristu shitendekela pa kwishiba mu kulungika Yehova Lesa na Yesu Kristu. [kl-CW ibu. 173 para. 7]
3. Ukukuba imito ya citumbi bocele kulapusana na Malembo. [w96-CW 9/15 ibu. 30 para. 6 ukufika kwi ibu. 31 para. 2]
4. Kuti twanonka umweo ukupitila mu kubombela Yehova Lesa. [kl-CW ibu. 182 para. 4]
5. Ilembo lya Abena Galatia 5:26 lilakaanya Abena Kristu ba cine ukuibimba mu kwangala konse ukwa kucimfyanya. [Ukubelenga Baibolo ukwa cila mulungu; moneni g95-CW 12/8 ibu. 30 para. 8.]
6. Lintu Paulo pali 2 Abena Korinti 10:4 atile “ifyanso fya bulwi bwesu te fya buntunse,” alekomaila pa cishinka ca kuti Abena Kristu tabafwile ukwalukila ku fyanso fya ku mubili, pamo ngo bucenjeshi, ululimi lwa mataki, nelyo ifyanso fya ku calo, ku kucingilila icilonganino ku fisambilisho fya bufi. [Ukubelenga Baibolo ukwa cila mulungu; moneni rs-CW ibu. 369 para. 5.]
7. Kalata ku bena Filipi alembelwe na Paulo pa numa ya myeshi inono lintu apangile icilonganino mu Filipi, kabili icalengele ukuti alembe kalata cali mafya yakalamba ayatendeke pa kati kabo. [si-CW ibu. 224 para. 3]
8. Nga fintu calembwa pali 1 Timote 3:16, (NW), Yesu “abilishiwe umulungami ku mupashi,” ukupitila mu kulambulwa no mweo wa ku mupashi ilyo abuushiwe; ici calingene no kubilisha kwa kwa Lesa ukuti Yesu aali uwalungama kabili uwawaminwa imilimo yasansabikwa. [Ukubelenga Baibolo ukwa cila mulungu; moneni w90-CW 1/15 ibu. 13 para. 12.]
9. “Ukuya” kwaloshiwako pa Abena Filipi 1:23 kufwile ukuba lisubilo lya kwa Paulo ilya kuba na Kristu pa numa fye ya mfwa yakwe. [Ukubelenga Baibolo ukwa cila mulungu; moneni w95-CW 3/1 ibu. 30 para. 5.]
10. Paulo alembele 1 Timote mu ciputulwa ca nshita pa kati ka kukakulwa ukufuma mu cifungo ukwa kubalilapo mu Roma no kubikwa kwakwe mu cifungo ukwa kupelako kulya. [si-CW ibu. 234 para. 2]
Asukeni ifipusho fyakonkapo:
11. Ni mu nshila nshi umo bamo mu Korinti balelya ifimpashanya mu “musango uushiyene” ilyo balelongana pamo ku kusefya Icibukisho ca mfwa ya kwa Kristu? (1 Kor. 11:27) [Ukubelenga Baibolo ukwa cila mulungu; moneni w90-CW 2/15 ibu. 19 para. 17.]
12. Bushe kubapo kwa bani kwasanshile icilonganino ca bena Korinti, ukulenga Paulo ukulemba kalata wa cibili ku Korinti? [si-CW ibu. 214 para. 2]
13. Ni shani fintu Yehova akafuta icili conse ico twingaipusula pa kuti twingamupepa? [kl-CW ibu. 169 para. 20]
14. Lubali nshi ulwacindama ulwa “nkama yashila” ululengwa ukumfwika muli kalata wa kwa Paulo ku bena Efese? (Efes. 3:4-6) [si-CW ibu. 223 para. 18]
15. Ukulingana ne fyo alebomfya Icebo ca kwa Lesa, ni shani fintu Paulo apayanya ica kumwenako cawamisha ku batumikishi ba Bwina Kristu ilelo? [si-CW ibu. 217 para. 19]
16. Cinshi umutumwa Paulo apilibwile lintu asosele ukuti Amalango “[yalundilweko] umulandu wa bumpulamafunde”? (Gal. 3:19) [Ukubelenga Baibolo ukwa cila mulungu; moneni uw-CW ibu. 147 amapara. 3-4.]
17. Pa Abena Filipi 1:3-7, mulandu nshi Paulo atashisha bamunyina, kabili ni shani twinganonkelamo mu ca kumwenako cabo? [si-CW ibu. 225 para. 12]
18. Mulandu nshi abatumikishi ba Bwina Kristu bonse balingile ukukonka ukupanda amano ukusangwa pa Abena Kolose 4:6? [si-CW ibu. 228 para. 13]
19. Cinshi umutumwa Paulo apilibwile lintu asosele ukuti alefwaya abanakashi “ukufwala . . . pamo no bufuuke”? (1 Tim. 2:9) [Ukubelenga Baibolo ukwa cila mulungu; moneni g90-CW 7/8 ibu. 19 para. 2.]
20. Mulandu nshi Abena Kristu balingile ukumfwila ukusoka kwa kwa Paulo pali 1 Timote 6:4 ukulosha ku “lubuli lwa fyebo”? [si-CW ibu. 236 para. 15]
Payanyeni ishiwi nelyo amashiwi yalekabilwa ku kupwishishisha ubulondoloshi bwakonkapo bumo bumo:
21. Kalata wa cibili ku bena Korinti alembelwe ku ․․․․․․․․ kabili pambi uwatwele ni ․․․․․․․․. [si-CW ibu. 214 para. 2]
22. Kalata wa kubalilapo uwa kwa Paulo ku bena Korinti wa kunonsha nga nshi mu kukusha ukumfwikisha kwesu ukwa ․․․․․․․․, ukufuma kuli ayo ayambula ifingi. [si-CW ibu. 213 para. 23]
23. Muli kalata wakwe ku bena Galatia, Paulo ashininkisha ukuti ukulungamikwa kuli ni ku ․․․․․․․․ muli Kristu Yesu, te ku milimo ․․․․․․․․ , no kuti kanshi ․․․․․․․․ takuli ukwakabilwa ku Bena Kristu. [si-CW ibu. 218 para. 6]
24. Muli kalata wakwe uwa kubalilapo ku bena Tesalonika, Paulo imiku ine alumbula ulwa ․․․․․․․․ Yesu Kristu, napamo ni pa mulandu wa kuti icilonganino calisekelele nga nshi muli ili sambilisho. [si-CW ibu. 231 para. 15]
25. Kalata wa cibili ku bena Tesalonika alembelwe na ․․․․․․․․ lintu aali mu ․․․․․․․․ mu mwaka wa ․․․․․․․․. [si-CW ibu. 232 para. 4]
Saleni icasuko calungama mu bulondoloshi bwakonkapo bumo bumo:
26. Mu kulanda pa nsambu shakwe ukusange mikalile mu fya butumikishi, Paulo alosha (kuli Talmud; kuli Mishnah;ku Malango ya kwa Mose), umo casoswa ukuti ifinama filebomba tafifwile ukukakwa ku kanwa no kuti (abena Lebi; abena Netinimu; ulupwa lwa bushimapepo ulwa kwa Aarone) mu mulimo we tempele balepokelela icakaniko cabo ukufuma pa cipailo. [si-CW ibu. 213 para. 24]
27. Kalata wa kwa Paulo ku bena Galatia apeela ukwilula kwa kwa Esaya 54:1-6, ukwishibisha umwanakashi wa kwa Yehova nga (Yerusalemu wa pe sonde; Yerusalemu wa mu mulu; Yerusalemu mupya). (Gal. 4:21-26) [si-CW ibu. 219 para. 16]
28. Pa Abena Efese 1:10, “ukwangalila” kulosha ku (Ubufumu bwa buMesia; Ibumba Litungulula; inshila ya kwa Lesa iya kubombelamo ne milandu ya mu ng’anda). [si-CW ibu. 221 para. 8]
29. (Abapokelele ubuYuda; aba mwi Bumba lya bashimapepo ba Kristendomu; aba muli Babele Mukalamba) kuti baishibikwa no “muntu wa bupulumushi” uwalumbulwa pali 2 Abena Tesalonika 2:3. [Ukubelenga Baibolo ukwa cila mulungu; moneni w90-CW 1/15 ibu. 18 para. 11.]
30. Nga ca kuti muletwishika sana uo muleishishanya, icawamisha ukucita (kulekelela ukuyumfwa kwenu ukwa cintemwa ukucimfya ifyo muletwishika; kukaanatwalilila ukwishishanya; kusuulako ku filubo fikalamba ukwenekela ukuti ifintu fikawaminako pa numa ya cupo). [fy-CW ibu. 23 para. 19]
Linganyeni amalembo yakonkapo ku bulondoloshi buli pe samba:
Impe. 16:3; 1 Kor. 10:11, 12; 2 Kor. 4:7; 2 Kor. 8:14; Fil. 4:6, 7
31. Lintu umuntu atangishako ubutumikishi bwa Bwina Kristu mu bumi bwakwe, akwata amaka ayapeelwa na Lesa. [Ukubelenga Baibolo ukwa cila mulungu; moneni w90-CW 3/1 ibu. 29 para. 5.]
32. Tufwile ukumfwila ica kumwenako ca kusoka ku bena Israele abaletungululwa na Mose no kusengauka ukuicetekela. [si-CW ibu. 213 para. 23]
33. Ubupe bwa pa mutima ukufuma ku Bena Kristu bakwata ifyuma kuti bwaafwilisha abacula, ilintu ukupimpa kwa aba abali mu kucula kuletela ubuseko no kukoselesha ku balesangula. [Ukubelenga Baibolo ukwa cila mulungu; moneni w93-CW 12/15 ibu. 21 para 20.]
34. Ababomfi ba kwa Yehova balingile ukufwaya ukutwalilila ukuba abaikatana mu kutemwa; ukuilishanya kuti kwaonaula ukwampana kusuma na bambi. [it-2 ibu. 184 para. 6]
35. Yehova apeela umutelelwe no kutekanya mu mibele yacilamo kwesha. [Ukubelenga Baibolo ukwa cila mulungu; moneni w88-CW 11/1 ibu. 30 amapara. 19-20.]